1 Samueli 23:3 - Baibuli Ekibono kya Katonda 2014

³ Aye abasaadha ba Daudi baamukoba bati: “Ate oba nga ghano mu Buyudaaya tuli mu kutya, memale leero bwe tunaaja e Keila okulwanisa amagye ag'Abafilisiti, tituubitirire okutya?”

1 Samueli 23:3 ပူးပေါင်းရင်းမြစ်များ

Zabbuli 11:1

Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

Yeremia 12:5

Musengwa Katonda yaakoba ati: “Yeremia, oba nga okulumuka n'ab'ebigere kukukooyiiza, onaasobola otya okulumuka n'abali ku mbalaasi? Oba nga tosobola kwemerera ghantu ghatereevu nga togwire, olikola otya bw'oliba mu kibira ky'oku mwiga Yorudani?

1 Samueli 23:15

Daudi yaatya inho, kuba yabona nga Saulo yali ali kumuyiiga amwite. Daudi oyo yali e Horeshi mu irungu ery'e Zifu.

1 Samueli 23:2

Kale Daudi yeebuuza ku Musengwa Katonda ati: “Nje numbe Abafilisiti abo?” Musengwa Katonda yaamwiramu ati: “Ja obalwanise, owonie ab'omu kibuga Keila.”

1 Samueli 23:23

Kale ni muje mubonere irala ebifo mw'abwama ni yeegisa, memale mwire nga muli n'amawulire amakakafu. Olwo ndidha kuja n'imwe, era bw'anaaba ng'ali mu kiketezo ekyo, ndidha kumwagaaza mu nkumi n'enkumi edh'Abayudaaya.”

1 Samueli 23:26

Saulo yaaja ku luuyi olundi olw'olusozi, ate Daudi n'abasaadha be baaba ku luuyi olundi, nga bali kwangugha okuvaagho kuba Saulo n'abasaadha be baali bazingiiza Daudi n'abasaadha be ku ndhuyi dhoonadhoona.

1 Samueli 23:4

Agho Daudi yeebuuza ku Musengwa Katonda kabiri. Musengwa Katonda yaamwiramu ati: “Situkiramu oje e Keila, kuba ndidha kukugha Abafilisiti abo obaghangule.”