1 Samueli 23:27 - Baibuli Ekibono kya Katonda 2014

²⁷ Mu kaseera ako omukwenda yaatuuka, yaakoba Saulo ati: “Yangughaku okwidha, kuba Abafilisiti balumbye ensi yo.”

1 Samueli 23:27 ပူးပေါင်းရင်းမြစ်များ

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

2 Bakyabazinga 19:9

Agho kyabazinga w'e Assiria baamukobera bati: “Bona, Tirihaka kyabazinga w'e Ethiopia asitwire eigye okukulwanisa.” Bwe yakiwulira, yairamu okugheereza abakwenda ye kyabazinga Hezekia, ng'akoba ati:

1 Ebyomubyanda 14:13

Kabiri Abafilisiti baidha mu kiiko eky'e Refaimu, baakinhagulula.

Zabbuli 116:3

Olumbe lwaneezungulula ng'oti lutuula lwa muyiizi; amagombe gaayasama okuumira, naidhula okutya n'okweraliikirira.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

Okwolekebwa 12:16

Aye eitaka lyabeera omukazi lyayasama lyamira omwiga ogusota gwe gwali gufuudhie okuva mu kanwa mwagwo.

1 Samueli 23:26

Saulo yaaja ku luuyi olundi olw'olusozi, ate Daudi n'abasaadha be baaba ku luuyi olundi, nga bali kwangugha okuvaagho kuba Saulo n'abasaadha be baali bazingiiza Daudi n'abasaadha be ku ndhuyi dhoonadhoona.

1 Samueli 23:28

Kale Saulo yaalekera agho okubingirira Daudi, yairayo okulwanisa Abafilisiti. Ekifo ekyo baakyeta Olubaale Olwokuwoneraku.

1 Samueli 27:10

Akishi bwe yamubuuzanga ati: “Gha gh'ojiire okulumba olwaleero?” Nga Daudi amwiramu ati: “Tulumbye ebiketezo ebikalukalu ebya Buyudaaya ku luuyi olw'omukono omusaadha olw'e buvandhuba.” Oba ati: “Tulumbye ebiketezo ebikalukalu ebya Abayerahameeli.” Oba ati: “Tulumbye ebiketezo ebikalukalu eby'Abakeni.”