1 Samueli 23:23 - Baibuli Ekibono kya Katonda 2014

²³ Kale ni muje mubonere irala ebifo mw'abwama ni yeegisa, memale mwire nga muli n'amawulire amakakafu. Olwo ndidha kuja n'imwe, era bw'anaaba ng'ali mu kiketezo ekyo, ndidha kumwagaaza mu nkumi n'enkumi edh'Abayudaaya.”

1 Samueli 23:23 ပူးပေါင်းရင်းမြစ်များ

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

2 Bakyabazinga 6:13

Kyabazinga wa Siria yaakoba ati: “Muje muzuule gh'ali, nsobole okutumayo abantu bamuleete.” Baamukobera bati: “Bona, Elisha ali Dothani.”

Zabbuli 10:8

Yeeteega abantu mu byalo, yaitira abantu mu ngiso abaziraku musango. Aleemesa abo abaziraku ababeera, ng'ayenda okubakola akabi.

Ensambo 1:16

kuba banguyiriza inho okukola ebibi, era okwita kubanguyira inho.

Mika 5:2

Musengwa Katonda akoba ati: “Bethelehemu Efuratha, waire oli katono mu bibuga bya Buyudaaya, nja kukutoolamu omufuzi alifuga Isiraeli, ng'ali ku lulyo olw'abantu ab'eira einho abataja kwerabirwa.”

Okubala 10:36

Era bwe baalekeranga okugitambuza, ng'akoba ati: “Wo Musengwa Katonda, ira obe mu nkumi n'enkumi edh'Abaisiraeli.”

Mariko 14:1

Agho, yali ng'ekaabulayo enaku ibiri okutuuka ku Kibinuko eky'Okubitizibwa n'Ekibinuko eky'Emigaati Egitazimbulukusiibwa, Bakabona Abakulu n'Abanamateeka baanoonia engeri ey'okumugema mu nkukutu bamwite.

1 Samueli 23:22

Muje mwongere okukakasa, mubonere irala ekifo mw'aba era n'abantu abaamuboineku, kuba mpulira mbu mugezigezi inho.

1 Samueli 23:24

Kale baasitula bairayo e Zifu, beesookangayo Saulo. Mu kiseera ekyo, Daudi n'abasaadha be baali mu irungu ly'e Maoni mu kiiko ekirimu omwiga Yorudani, ku luuyi olw'omukono omusaadha olw'e buvandhuba wa Yeshimoni.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.