1 Samueli 22:8 - Baibuli Ekibono kya Katonda 2014

⁸ Obwo ekyo kye muviireku okundyamu olukwe? Ghazira muntu waire omulala ku imwe eyankoberaku ati mutabane wange yeeyimbye ni mutabane wa Yesse. Ghazira ku imwe yansaasiraku waire okunkoberaku, ati mutabane wange yapikiriza Daudi, omulala ku bagheereza bange, yaategeka okuneeteega nga bw'akoze olwaleero.”

1 Samueli 22:8 ပူးပေါင်းရင်းမြစ်များ

2 Bakyabazinga 6:11

Ekyo kyaleetera kyabazinga wa Siria okutabulwa einho. Yaayeta abakungu be, yaababuuza ati: “Naani mu ife ali ku luuyi lwa kyabazinga wa Isiraeli?”

Yobu 33:16

Agho Katonda gh'aigulira amatu g'abantu yaabaleetera okuwulira by'akoba, era yaalekagho akamanhiso akabalabula akatiisa.

1 Samueli 18:1

Daudi bwe yamala okwogera ni Saulo, Yonathani mutabane wa Saulo oyo, yaatoolera mule okugonza einho Daudi, era yaamugonzanga nga bwe yeegonzanga mwene.

1 Samueli 18:3

Agho Yonathani yaita omukago ni Daudi, kuba yagonzanga inho Daudi oyo nga bwe yeegonzanga mwene.

1 Samueli 20:2

Yonathani yaamukoba ati: “Busa naire. Toidha kufa. Bona eno, lata wange ghazira ky'akola n'aloba kunkoberaku, ka kibe kinene oba kitono. Kale lwaki yandingisiisa ekyo? Ekyo ti kituufu naire.”

1 Samueli 20:42

Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.

1 Samueli 20:8

Kale ni ngemerwa ekivunika nze omugheereza wo, kuba twaita omukago mu maiso ga Musengwa Katonda. Aye bwemba ng'omusango gunsinga, iwe mwene ndhita, kuba tibona nsonga ekuntwazisa ya lata wo kundhita.”

1 Samueli 22:13

Saulo yaamubuuza ati: “Lwaki iwe ni mutabane wa Yesse mwandyamu olukwe? Lwaki wamugha eby'okulya, n'empiima, era n'omwebuulizaagho ye Katonda, memale n'aneefuulaku okuneeteega nga bw'akoze olwaleero.”

1 Samueli 23:21

Saulo yaakoba ati: “Musengwa Katonda abaghe enkabi, olw'okungemerwa ekivunika.