1 Samueli 22:7 - Baibuli Ekibono kya Katonda 2014

⁷ Agho Saulo yaakoba abagheereza be abo ati: “Imwe Ababenjamini, muwulire bino: Mulowooza muti mutabane wa Yesse aidha kugha buli muntu ku imwe ebibandha n'amasamba g'emizabbibu? Oba muti mwenamwena aidha kubafuula baduumizi, muduumirenga ebikunsu eby'abaisirukale olukumi olukumi, n'eby'abaisirukale ekikumi ekikumi?

1 Samueli 22:7 ပူးပေါင်းရင်းမြစ်များ

2 Samueli 18:1

Agho Daudi yaabala abantu be yali nabo, yaabataaku abaduumizi ab'abaisirukale olukumi olukumi n'abaduumizi ab'abaisirukale ekikumi ekikumi.

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

1 Ebyomubyanda 12:16

Mu kika kya Benjamini n'ekya Yuda mwavaamu abantu baaja okweyimba ku Daudi mu kifo ye yeewogoma.

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 11:10

Olunaku lwidha kutuuka, oyo asimuka mu Yesse abe akamanhiso eri amaghanga. Amaghanga ago galyesolokeza gh'ali, era ekifo mw'alifugira kiriba kya kitiisa.

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 20:27

Aye ku lunaku olwairirira lule olw'Ekibinuko eky'Okuboneka kw'Omwezi, ekityamo kya Daudi era kyaba nga kiziraku muntu. Saulo yaabuuza Yonathani mutabane we ati: “Lwaki mutabane wa Yesse taidhie ku kiiwulo leero, ate nga n'idho tiyaidhie?”

1 Samueli 20:30

Agho obusungu bwa Saulo bwatumbukira ku Yonathani ng'oti muliro, yaamukoba ati: “Iwe omwana w'omukazi omudheemu era omudankaanu, nkiidhi bukalamu nti wasalagho okuba ku luuyi lwa mutabane wa Yesse, weereetera okweswaza iwe mwene era n'okuswaza inhoko.

1 Samueli 22:13

Saulo yaamubuuza ati: “Lwaki iwe ni mutabane wa Yesse mwandyamu olukwe? Lwaki wamugha eby'okulya, n'empiima, era n'omwebuulizaagho ye Katonda, memale n'aneefuulaku okuneeteega nga bw'akoze olwaleero.”

1 Samueli 22:9

Agho Doegi Omuedomu, eyali nga yeena ayemereire agho ni bagheereza baine aba Saulo, yairamu ati: “Nabona mutabane wa Yesse oyo ng'aidhie e Nobu ye Ahimeleki mutabane wa Ahitubu.

1 Samueli 25:10

Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.