1 Samueli 22:2 - Baibuli Ekibono kya Katonda 2014

² Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.

1 Samueli 22:2 ပူးပေါင်းရင်းမြစ်များ

2 Samueli 17:8

Hushai era yaayongeraku ati: “Okiidhi nga lata wo n'abasaadha be ba maani agataloodheka, ate nga bali n'obusungu ng'oti n'ekisolo ekikambwe ekitooleibwaku ebyana byakyo. N'ekindi lata wo eby'entalo abiidhi inho, taidha kutenduka ghalala na bantu.

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

2 Bakyabazinga 4:1

Agho namwandu ow'owundi ku b'ekikunsu ky'abalanzi, yaalirira Elisha ng'akoba ati: “Omugheereza wo, baze, yafa. Era oidhi omugheereza wo oyo nga bweyali atya Musengwa Katonda. Aye mpegaano omuntu eyali amubandha, aidhie okutwala abaana bange bombi abafuule abairu be.”

Ensambo 31:6

Ebitamiiza ebika birekerenga oyo aja okufa, n'omwenge ogughenga oyo ali n'enaku embitirivu.

Matayo 11:12

Okuva mu byanda bya Yoanne okutuusa buti, Obwakyabazinga obw'omu igulu butwalibwa na maani, era abakozesa amaani n'ababutwala

Matayo 11:28

“Mwidhe ye ndi imwe mwenamwena abadaaga n'abali n'ebibavuna, ndidha kubawuumuza.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.

Abalamuzi 11:3

Agho Yefutha yaalumuka baganda be, yaaja yaabanga mu kiketezo eky'e Tobu. Ng'ali eyo, abantu abazira kye bagasa baamweyimbaku, baajanga okukambula abantu.

Abalamuzi 18:25

Ab'omu kika kya Dani baakoba bati: “Ekisinga, otayongera kwogera, okutoolaku ng'oyenda abasaadha bano abakambwe bakulumbe, bakwite iwe n'ab'omu ndhu yo.”

1 Samueli 1:10

Hanna yaaja yaasaba Musengwa Katonda nga munakughavu inho, era ng'ali kulira amaziga inho.

1 Samueli 22:3

Eyo Daudi yaavaayo, yaaja e Mizipa eky'e Moabu, yaakoba kyabazinga w'e Moabu ati: “Nkweghembye ganha lata wange ni maama baidhe babe ghano n'iwe, okutuusa nga mmaze okumanha Katonda ky'aja okunkolera.”

1 Samueli 23:13

Agho Daudi n'abasaadha be abaali baghera ng'oti lukaaga, baasitukiramu baava e Keila, baaja kiisi ye baasobolanga okuja. Saulo bwe baamukobera bati Daudi alumwike e Keila, yaaleka kye yali ategeike okukola.

1 Samueli 25:13

Daudi yaakoba abasaadha be ati: “Buli muntu yeesibe empiima ye.” Agho buli muntu yeesiba empiima ye. Daudi yeena yeesiba eyiye. Abantu ng'oti ebikumi bina baanonereza Daudi oyo, ate ebikumi ebibiri baasigala okukuuma ebintu ebikozesebwa.

1 Samueli 30:6

Daudi yaaba mu buzibu obutaloodheka, kuba abantu baakoba okumukuba amabaale. Abantu boonaboona baali banakughavu, nga balumirwa batabane baibwe ni baghala baibwe. Aye Daudi yaafuna amaani mu kwesiga Musengwa Katonda we.

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”