1 Samueli 22:18 - Baibuli Ekibono kya Katonda 2014

¹⁸ Agho kyabazinga yaakoba Doegi ati: “Iwe kyuka oite bakabona abo.” Era Doegi Omuedomu yaagwa ku bakabona yaabaita. Ku lunaku olwo yaita bakabona kinaana na bataanu abaavalanga ebivaalo eby'obwakabona ebyakolebwa mu ngoye empegheevu.

1 Samueli 22:18 ပူးပေါင်းရင်းမြစ်များ

2 Ebyomubyanda 24:21

Aye abantu baamukolera olukwe, baamukubira amabaale mu luya lw'eisinzizo, nga baajiira ku kiragiro kya kyabazinga.

Zabbuli 78:64

Bakabona baibwe baabaita n'empiima, era banamwandu baibwe baabalobera okubalira.

Okuvaayo 28:40

“Oidha kukolera batabane ba Aaroni ebivaalo ebidholige n'empiso n'ewuuzi, obakolere n'enkoma, n'enkuufiira, nga bibagheesa ekitiisa era byababonesa bulungi.

Ensambo 24:15

Otabanga ng'ababi abeeteega amaka ag'abatuufu, era ni bagalumba okugakolaku eby'obukambwe.

Hosea 5:11

Isiraeli bamutuntuza era baamusaliriza omusango gwamusinga, olw'okuba yaikiriza okukolera ku biragiro eby'abo abatandigwaniire kumulagira naire.

Hosea 7:3

Musengwa Katonda akoba ati: “Abantu beefuula okuba ng'abasanhusa kyabazinga, aye nga baguya buguye, era beefuula okuba ng'abasanhusa abafuzi baibwe, aye nga balimba bulimbe.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.

1 Samueli 2:36

Ow'eizaire lyo yeenayeena aliwonagho alija ye kabona oyo okusabiriza akasente n'akamere, ng'amukoba ati, nkweghembye, mpa nkole ogundi ku mirimo gya bakabona, nsobole okufuna eky'okulya.’ ”