1 Samueli 22:17 - Baibuli Ekibono kya Katonda 2014

¹⁷ Agho kyabazinga oyo yaakoba abakuumi be abaali beemereire okumpi naye, ati: “Mukyuke mwite bakabona ba Musengwa Katonda, kuba beeyimba ku Daudi, baamanha ng'alumwike baaloba kunkobera.” Aye abagheereza ba kyabazinga abo, baaloba kusitula mikono gyaibwe kwita bakabona ba Musengwa Katonda.

1 Samueli 22:17 ပူးပေါင်းရင်းမြစ်များ

2 Samueli 15:1

Ebyo bwe byawa, Abusalomu yaategeka ekigaali eky'omu lutalo, n'embalaasi, n'abasaadha makumi ataanu ab'okumukuumanga.

1 Bakyabazinga 1:5

Agho Adoniya mutabane wa kyabazinga Daudi, ye yazaala mu mukazi ayetebwa Haggithi, yeekuluntaza ng'akoba mule ati: “Ninze ndidha okuba kyabazinga.” Era yeetegekerayo ebigaali eby'omu lutalo, n'abavuzi b'embalaasi, n'abasaadha amakumi ataanu ab'okumukuumanga.

1 Bakyabazinga 14:27

Kyabazinga Rehoboamu yaagheesa engabo mu kyuma ky'ekikomo okwira mu kifo ky'edho, yaadhigemya abakulu ab'abakuumi abaakuumanga omulyango gw'ekisaagaati kye.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

2 Bakyabazinga 10:25

Yehu bwe yamala okughaayo ekigheebwayo ekyokebwa, yaakoba abakuumi n'abaduumizi ati: “Mwingire mubaite, ghalobe kubaagho alumuka kuwona waire omulala.” Kale baasowolayo empiima baabaita, emirambo baagisuula kuliya. Olwo abakuumi n'abaduumizi baingira mu kifo eky'omunda eky'eisabo lya Baali,

Okuvaayo 1:17

Aye abazaalisa abo baatya Katonda, baaloba kukola ekyo kyabazinga ow'e Misiri kye yabalagira baalekanga abaana abalenzi boona nga tibabaise.

Ebikolwa by'Abatume 4:19

Aye Petero ni Yoanne bairamu baakoba bati: “Imwe beene musalegho: Oba nga kituufu mu maiso ga Katonda ife okuwulira imwe ni tutawulira Katonda.

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 2:31

Bona ekiseera kiri kwidha, lwe ndizikiriza abaisuka boonaboona ab'omu ndhu yo, n'ab'omu ndhu ya dhaadha wo, ghalobe kubaagho akula n'akairigha mu ndhu yo.

1 Samueli 20:33

Agho Saulo yaamukonhoogerera eifumo limufumite! Olwo Yonathani yaamanha nga lata we yali mumalirivu okwita Daudi.

1 Samueli 22:13

Saulo yaamubuuza ati: “Lwaki iwe ni mutabane wa Yesse mwandyamu olukwe? Lwaki wamugha eby'okulya, n'empiima, era n'omwebuulizaagho ye Katonda, memale n'aneefuulaku okuneeteega nga bw'akoze olwaleero.”

1 Samueli 22:16

Aye kyabazinga yaakoba ati: “Bwenebwene, iwe Ahimeleki n'ab'endhu ya lata wo boonaboona, muteekwa kufa.”

1 Samueli 25:17

Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”

1 Samueli 8:11

Yaabakoba ati: “Eno n'ensambo kyabazinga waimwe y'aja okubabisangamu: aidha kutwalanga batabane baimwe mu magye, abandi bakolenga ku bigaali bye eby'omu lutalo, abandi bavugenga embalaasi dhe, n'abandi balumukirenga ku bigere nga bakulembeiremu ebigaali bye eby'omu lutalo.