1 Samueli 22:16 - Baibuli Ekibono kya Katonda 2014

¹⁶ Aye kyabazinga yaakoba ati: “Bwenebwene, iwe Ahimeleki n'ab'endhu ya lata wo boonaboona, muteekwa kufa.”

1 Samueli 22:16 ပူးပေါင်းရင်းမြစ်များ

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Danieli 2:12

Agho kyabazinga yaasungughala inho ekibitiriire era yaalagira baite abagezigezi boonaboona ab'omu Babiloni.

Danieli 2:5

Kyabazinga yaabakoba ati: “Kino kye nja okubakobera kiri n'okutuukirira: Bwe mutankobere kirooto kye naloose ni muvuunula na makulu gaakyo, ndidha kulagira babatemeteme, emigulu gigwe ghaagyo n'emikono gigwe ghaagyo. Era endhu dhaimwe baidha kudhizikiriza dhifuuke bifulukwa byereere.

Matayo 2:16

Agho Herode bwe yategeera nga bamutebwike, yaasungughala ekibitiriire era yaalagira okwita abaana abalenzi boonaboona ab'emyaka ebiri n'okwika ghansi abaali mu Bethelehemu n'ebiketezo ebikiriinaine, okusinziira ku biseera bye yali amaze okukakasa obukalamu n'abasaadha bale.

Ebikolwa by'Abatume 12:19

Herode bwe yamwagala n'atamubona yaawozesa abaisirukale, yaalagira babaite. Agho Herode yaava e Buyudaaya yaikirira e Kaisaria yaaba eyo.

Amateeka Agokubiri 24:16

“Abazaire mutabaitanga lwa misango baana baibwe gye baiziiza, n'abaana mutabaitanga lwa misango bazaire baibwe gye baiziiza. Omuntu aidha kwitibwanga lwa musango gw'anaabanga ng'aiziiza mwene.

1 Samueli 14:44

Saulo yaamukoba ati: “Katonda agwananga yambonereza n'obukambwe, bw'otaitibwe iwe Yonathani.”

1 Samueli 20:31

Oli n'okukimanha nti mutabane wa Yesse oyo bw'asigala ng'akaali mulamu ku nsi, iwe tolifuuka kyabazinga. Kale mpegaano mwetese aidhe, omundeetere, kuba ateekwa buteekwe okufa.”

1 Samueli 22:15

Guno ti n'omukuzi gwe nsoose okumwebuulizaagho ye Katonda! Busa, ti n'ogusoose. Isebantu kyabazinga, otavunaana nze kintu kyonakyona waire okuvunaana ab'endhu ya lata wange, kuba nze omugheereza wo bino eby'okukulyamu olukwe, ghazira kye mbiidhiku naire akatono kati.”

1 Samueli 22:17

Agho kyabazinga oyo yaakoba abakuumi be abaali beemereire okumpi naye, ati: “Mukyuke mwite bakabona ba Musengwa Katonda, kuba beeyimba ku Daudi, baamanha ng'alumwike baaloba kunkobera.” Aye abagheereza ba kyabazinga abo, baaloba kusitula mikono gyaibwe kwita bakabona ba Musengwa Katonda.