1 Samueli 20:5 - Baibuli Ekibono kya Katonda 2014

⁵ Daudi yaakoba Yonathani ati: “Bona eno, enkyo n'olunaku olw'Ekibinuko eky'Okuboneka kw'Omwezi. Era nandibaire nga nteekwa okutyama ni kyabazinga okulya. Aye ndeka nje neegise mu nsiko okutuusa eigulo ly'olunaku olunairirira olwenkyo.

1 Samueli 20:5 ပူးပေါင်းရင်းမြစ်များ

2 Bakyabazinga 4:23

Iba yaamubuuza ati: “Lwaki oli kuja y'ali olwaleero, ate nga ti lunaku lwa Sabbato waire okuba olw'Ekibinuko eky'Okuboneka kw'Omwezi?” Omukazi yairamu ati: “Iwe otafaayo.”

Zabbuli 55:12

Ngoli muzigu wange n'eyali ali kundheedha, tinandifiire yo. Oba ngoli oyo ye tutaisania naye n'eyali ali kuneeyagaliraku, naalimwegisiisaaku.

Zabbuli 81:3

Mufuuwe eigwala ku Kibinuko eky'Okuboneka kw'Omwezi, ni ku lunaku lwe gutyaime ku ntebe.

Ensambo 22:3

Omuntu omutegeevu abona akabi nga kali kwidha yaakeesamba; aye ole azira magezi aja buje yaakagwamu.

Amosi 8:5

Muja mwakoba muti: “Enaku enkulu dhiriwaaku li memale tutunde ku birime? Ni Sabbato enaawaku li memale tutunde engaano? Olwo tukendeeze ku bipimo, ate twongezeemu n'emighendo, tusibe minzaani tuseere be tuguza.

Okubala 10:10

Aye era ni mu biseera byaimwe eby'eisanhu, ni ku mbaga edh'ebibinuko byaimwe ebyalagirwa, ni ku ntadiikwa y'omwezi, mwidha kufuuwanga amagwala nga muleese ebigheebwayo byaimwe ebyokebwa n'ebigheebwayo byaimwe olw'okutabagana. Ekyo kiidha kundeeteranga nze Katonda waimwe okubaidhukira. Ninze Musengwa Katonda waimwe.”

Okubala 28:11

“Ku lunaku olusooka olwa buli mwezi, mwidha kughangayo eri nze Musengwa ekigheebwayo ekyokebwa, nga kirimu bino: ente enume ento ibiri, entaama enume enkulu ndala, n'entaama ento enume musanvu edh'omwaka omwaka omulala omulala, nga byonabyona biziraku kikyamu kyonakyona.

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Ebikolwa by'Abatume 17:14

Mangu ago aboluganda baagheereza Paulo ku nhandha, aye Sila ni Timotheo baasigala.

Ab'e Kolosai 2:16

Kale ole atabasaliranga musango olw'ekyo kye mulya oba kye munhwa, oba ku lw'ebyo ebigema ku bibinuko eby'eby'ensinza, oba eby'Okuboneka kw'Omwezi, oba Sabbato.

1 Samueli 19:2

Kale Yonathani oyo yaakobera Daudi ati: “Lata wange Saulo ayenda kukwita. Kale weekuume. Enkyo weegise mu kifo ekyekusifu.

1 Samueli 20:18

Agho Yonathani oyo yaakoba Daudi ati: “Olwaidho n'olunaku olw'Ekibinuko eky'Okuboneka kw'Omwezi, era abantu baidha kumanha ng'oziragho, kuba ekityamo kyo tikiidha kubaaku muntu.

1 Samueli 20:19

Ate olwadhuuzi baja kwewuunhia inho okubona ng'oziragho. Kale ni ja mu kifo mwe weegisaaku ku mukuzi gule, obe einhuma w'emungo ey'amabaale.

1 Samueli 20:24

Kale Daudi yeegisa mu nsiko, era ku lunaku olw'Ekibinuko eky'Okuboneka kw'Omwezi, kyabazinga Saulo yaatyama ku kiiwulo okulya.

1 Samueli 20:27

Aye ku lunaku olwairirira lule olw'Ekibinuko eky'Okuboneka kw'Omwezi, ekityamo kya Daudi era kyaba nga kiziraku muntu. Saulo yaabuuza Yonathani mutabane we ati: “Lwaki mutabane wa Yesse taidhie ku kiiwulo leero, ate nga n'idho tiyaidhie?”

1 Samueli 20:4

Yonathani yaakoba Daudi ati: “Ky'onaayenda kyonakyona ndidha kukikukolera.”

1 Samueli 20:6

Lata wo bw'anaakizuula nga nziragho, oidha kumukobera oti, ‘Daudi yaneegayiriire mmuganhe aje e Bethelehemu mu kibuga ky'ewaibwe, kuba ab'endhu ya lata we boonaboona baja kughaayo omusengo gwe baghaayo buli mwaka.’