1 Samueli 20:42 - Baibuli Ekibono kya Katonda 2014

⁴² Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.

1 Samueli 20:42 ပူးပေါင်းရင်းမြစ်များ

2 Samueli 9:1

Lwali lulala Daudi yaabuuza ati: “Ghakaalighooku omuntu ow'omu ndhu ya Saulo akaasigairegho, mmukolere eby'ekisa ku lwa Yonathani?”

Okubala 6:26

Musengwa Katonda akulingengaku n'amaiso ag'ekisa era akughenga emiraala.”

Luka 7:50

Aye Yesu yaakoba omukazi ati: “Okwikiriza kwo kukuwoniiza, ja miraala.”

Ebikolwa by'Abatume 16:36

Agho omukuumi w'eikomera yaakoba Paulo ati: “Abalamuzi balagiire okubalekula. Kale mperaano mufulume muje bwera.”

1 Samueli 1:17

Agho Eli yaamwiramu ati: “Ja n'emiraala! Nsaba Katonda wa Isiraeli akughe ekyo ky'omusabye.”

1 Samueli 20:15

Era olaganga ab'endhu yange okugonza kwene okwo ebyanda n'ebyanda. Musengwa Katonda ni bw'azikirizanga abazigu bo, iwe Daudi, okubamalagho,

1 Samueli 20:16

otaganhanga liina lya Yonathani kwerabirwa ba mu ndhu yo. Era Musengwa Katonda akughenga okwesasuuliza ku bazigu bo.”

1 Samueli 23:18

Agho bombi baakola endagaano mu maiso ga Musengwa Katonda. Bwe baamala, Yonathani yairayo eka ate Daudi yaasigala e Horeshi.

1 Samueli 25:35

Agho Daudi yaikiriza okutoola ebyo Abigaili bye yamutwalira, era yaamukoba ati: “Irayo ewuwo n'emiraala. Mpuliire by'okobye, era ndhikiriiza okukola nga bw'okobye.”