1 Samueli 20:41 - Baibuli Ekibono kya Katonda 2014

⁴¹ Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.

1 Samueli 20:41 ပူးပေါင်းရင်းမြစ်များ

Amainhama 29:11

Agho yaagwa Rakeli mu kifuba, yaasangaala inho, era yaakuba n'omuzira.

Amainhama 29:13

Labani bweyawulira ati Yakobo omwana wa mwanhina aidhie, yaalumuka, yaaja okumusangaaza. Yaamugwa mu kifuba era yaamwevumba, yamwingiza mu ndhu ye. Yakobo yaakobera Labani ebimufaaku byonabyona.

Amainhama 33:4

Aye Esau yaalumuka okuja okumwagaana, yaamugwa mu kifuba era yaamwevumba, bombi baalira amaziga.

Amainhama 42:6

Yosefu n'eyali omufuzi w'ensi Misiri, era n'eyaguzanga engaano abantu boonaboona abaavanga woonawoona mu nsi. Kale baganda be baidha, baakuba amakiryaivu mu maiso ge, nga n'obweni butuuse ku itaka.

Amainhama 43:28

Bairamu bati: “Omugheereza wo iseife akaaliyo mulamu, era aliyo bukalamu.” Baamukubira amakiryaivu nga n'obweni butuuse ku itaka.

Amainhama 45:15

Yosefu yaagwa baganda be boonaboona mu bifuba, ng'ali kulira amaziga. Ebyo bwe byawa, baganda be baatoolera okughaya naye.

2 Samueli 1:2

Ku lunaku olwokusatu yaja okubona ng'omwisuka atuuka, ng'ava mu kifo Saulo ghe yasimba weema dhe. Omwisuka oyo yali akanwiremu ebivaalo bye nga n'omutwe gwe gwidhwire nkungu olw'enaku. Bwe yatuuka eri Daudi yaakuba amakiryaivu era yaakutama n'ekyeni kyatuuka ku itaka.

2 Samueli 1:26

Muganda wange Yonathani, ndi mu bughafu bubitirivu ku lulwo! Obaire mukagwa wange inho. Obairenga ng'ondholeka okugonza okutaloodheka, nga kusinga n'okugonza okw'abakazi.

2 Samueli 14:4

Kale omukazi oyo yaaja yaatuuka ye kyabazinga, yaakuba amakiryaivu era yaakutama n'ekyeni kyatuuka ku itaka. Yaakoba kyabazinga ati: “Isebantu kyabazinga, mbeera.”

2 Samueli 19:39

Agho abantu boonaboona baasomoka Yorudani, ni kyabazinga Daudi yeena yaasomoka. Kyabazinga yaanhwegera Barazillai, yaamusabira enkabi. Barazillai yairayo eka ewuwe.

2 Samueli 9:6

Agho Mefiboshethi mutabane wa Yonathani era mwidhukulu wa Saulo, yaidha ye Daudi, yaakutama n'ekyeni kyatuuka ku itaka. Daudi yaamweta ati: “Mefiboshethi.” Mefiboshethi yaavugira ati: “Isebo, ndi ghano nze omugheereza wo.”

1 Bakyabazinga 1:16

Agho Bathisheba yaakubira kyabazinga amakiryaivu era yaakutama n'ekyeni kyatuuka ku itaka. Kyabazinga yaamubuuza ati: “Oyenda ki?”

1 Bakyabazinga 1:23

Baakobera kyabazinga bati: “Nathani omulanzi wuuno aidhie.” Era Nathani oyo bwe yaingira aghali kyabazinga yaakuba amakiryaivu, yaakutama n'ekyeni kyatuuka ku itaka.

1 Bakyabazinga 1:31

Agho Bathisheba yaakuba amakiryaivu, yaakutama n'ekyeni kyatuuka ku itaka mu maiso ga kyabazinga. Yaakoba ati: “Isebantu kyabazinga Daudi, ghangaala byanda na byanda!”

Ebikolwa by'Abatume 20:37

Boonaboona baalira, baamwevumba, baamunhwegera.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 18:3

Agho Yonathani yaita omukago ni Daudi, kuba yagonzanga inho Daudi oyo nga bwe yeegonzanga mwene.

1 Samueli 20:40

Agho Yonathani yaatoola eby'okulwanisa bye, yaabigemya omwisuka, ng'amukoba ati: “Ja obitwale mu kibuga.”

1 Samueli 24:9

Agho Daudi yaakoba Saulo ati: “Lwaki ojiira ku bibono by'abo abakoba bati nze nhenda okukukola akabi?

1 Samueli 25:23

Abigaili bwe yabona Daudi yaayangugha, yaava ku ndogoyi, yaakuba amakiryaivu era yaakutama n'ekyeni kyatuuka ku itaka.