1 Samueli 20:31 - Baibuli Ekibono kya Katonda 2014

³¹ Oli n'okukimanha nti mutabane wa Yesse oyo bw'asigala ng'akaali mulamu ku nsi, iwe tolifuuka kyabazinga. Kale mpegaano mwetese aidhe, omundeetere, kuba ateekwa buteekwe okufa.”

1 Samueli 20:31 ပူးပေါင်းရင်းမြစ်များ

2 Samueli 12:5

Agho obusungu bwa Daudi bwatumbukira ku muntu oyo ng'oti muliro. Yaakoba Nathani ati: “Ndayira Musengwa Katonda omulamu nti omuntu eyakola ekintu ekyo agwaniire kufa.

2 Samueli 19:28

Ab'endhu ya lata wange twenatwena twali tugwaniire bwa kwitibwa iwe Isebantu kyabazinga, aye nze omugheereza wo wanta mu abo abalya ku kiiwulo kyo. Kabiri obukumu mbutoola gha okusaba Isebantu kyabazinga okunkolera ekisinga agho?”

Zabbuli 79:11

Wulirisa okusinda kw'abasibe, okozese obuyinza bwo owonie abo abasalirwa ogw'okufa.

1 Samueli 19:6

Saulo yaikiriza ebyo Yonathani bye yamukoba, era yaalayira ng'akoba ati: “Bwenebwene mu Katonda omulamu, tiidha kwita Daudi.”

1 Samueli 20:30

Agho obusungu bwa Saulo bwatumbukira ku Yonathani ng'oti muliro, yaamukoba ati: “Iwe omwana w'omukazi omudheemu era omudankaanu, nkiidhi bukalamu nti wasalagho okuba ku luuyi lwa mutabane wa Yesse, weereetera okweswaza iwe mwene era n'okuswaza inhoko.

1 Samueli 20:8

Kale ni ngemerwa ekivunika nze omugheereza wo, kuba twaita omukago mu maiso ga Musengwa Katonda. Aye bwemba ng'omusango gunsinga, iwe mwene ndhita, kuba tibona nsonga ekuntwazisa ya lata wo kundhita.”

1 Samueli 23:17

Yaamukoba ati: “Otatya, kuba lata wange Saulo taaghange kukukolaku kabi naire. Iwe oidha kuba kyabazinga wa Isiraeli, nze nkwiririre mu kitiibwa. Era ekyo ni lata wange Saulo akiidhi.”

1 Samueli 26:16

Ekyo ky'okoze ti kirungi. Nga Musengwa Katonda bw'ali omulamu ogwaniire kufa, kuba tokuumye musengwa wo, Musengwa Katonda ye yasiiga omuzigo. Mpegaano eifumo lya kyabazinga n'ekidoome eky'amaadhi ebibaire gha mutwe gwe biri gha?”