1 Samueli 20:30 - Baibuli Ekibono kya Katonda 2014

³⁰ Agho obusungu bwa Saulo bwatumbukira ku Yonathani ng'oti muliro, yaamukoba ati: “Iwe omwana w'omukazi omudheemu era omudankaanu, nkiidhi bukalamu nti wasalagho okuba ku luuyi lwa mutabane wa Yesse, weereetera okweswaza iwe mwene era n'okuswaza inhoko.

1 Samueli 20:30 ပူးပေါင်းရင်းမြစ်များ

Yobu 5:2

Bwenebwene okweraliikirira kwita omusiru, n'ensaalwa eita azira magezi.

Ensambo 14:29

Omuntu alwagho okusungughala aba mutegeevu mu by'akola, aye ole asungughala amangu akola eby'ekisiru.

Ensambo 15:2

Omugezi ayogera ebigwaniire, aye omusiru alokompoka busiru bwereere.

Ensambo 19:12

Kyabazinga bw'asungughala aba ng'oti n'empologoma eri kuwologoma, aye ekivunika kye kiri ng'oti n'omusulo ogughegheeza ebisimbe ni birama.

Ensambo 19:19

Omuntu ow'obusungu omuleka yaaguma n'ebizibu ebiva mu busungu bwe, kuba bw'omutoola mu kizibu omukuzi ogusooka, oba oli n'okumutoola ni mu kindi omukuzi ogundi.

Ensambo 21:24

Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Ensambo 25:28

Omuntu ataidhi kwefuga ali ng'oti n'ekibuga ekirumbiibwa ni kirekebwa agho kityo, nga tikikaali na kimante kikyezungulwire.

Ensambo 27:3

Waire amabaale n'omusenho bizitogha, aye ebizibu omusiru by'aleeta bizitogha okuwula ebyo byombi.

Matayo 5:22

Aye nze mbakoba nti, buli muntu alikoba muganda we ati, ‘Raka,’ alisalirwa omusango mu mbuga ate oyo alikoba ati, ‘Musiru iwe’, alisalirwa omusango gwa kusuulibwa mu muliro gwa geyeena.”

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

Ab'Efeso 6:4

Imwe abazaire, mutasoononkerezanga baana baimwe kubaleetera kunakughala, aye mubakuze nga mubagalagira era nga mubeegeresa ebya Musengwa.

1 Samueli 20:29

Yankobye ati, ‘Nkweghembye nganha nje, kuba ab'endhu yaife bali n'omukolo mu kibuga ogw'okughaayo omusengo, era muganda wange yankobye obutabulayo. Kale ni bw'oba ng'ongemeirwa ekivunika, ndeka nje mbone baganda bange.’ Isebantu kyabazinga, eyo n'ensonga emuleeteire obutaba ku kiiwulo kyo.”

1 Samueli 20:31

Oli n'okukimanha nti mutabane wa Yesse oyo bw'asigala ng'akaali mulamu ku nsi, iwe tolifuuka kyabazinga. Kale mpegaano mwetese aidhe, omundeetere, kuba ateekwa buteekwe okufa.”