1 Samueli 20:3 - Baibuli Ekibono kya Katonda 2014

³ Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 20:3 ပူးပေါင်းရင်းမြစ်များ

2 Samueli 15:21

Aye Ittai yairamu kyabazinga Daudi ati: “Ndayira mu Musengwa Katonda omulamu, era naakulayirira Isebantu kyabazinga, nti buli y'onaajanga zeena yeenaajanga, ni bwe kinaabanga nga kyetaagisa kufa.”

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Bakyabazinga 2:4

Agho Eliya yaakoba Elisha ati: “Elisha, nkweghemba osigale ghano, kuba nze Musengwa Katonda antumye e Yeriko.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Yeriko.

2 Bakyabazinga 2:6

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ku mwiga Yorudani.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale bombi beeyongerayo,

Zabbuli 116:3

Olumbe lwaneezungulula ng'oti lutuula lwa muyiizi; amagombe gaayasama okuumira, naidhula okutya n'okweraliikirira.

Yeremia 38:16

Kyabazinga Zedekia oyo yandayirira mu kaama ati: “Nga Musengwa Katonda bw'ali omulamu, Katonda oyo eyatugha obulamu, tiidha kukwita waire okukughaayo y'abo abenda okukwita.”

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Amateeka Agokubiri 28:66

Obulamu bwaimwe bwidha kubanga mu kabi ekiseera kyonakyona. Omusana n'obwire mwidha kubanga mu kutya, nga timwidhi bulamu bwaimwe bwebunaaba.

Amateeka Agokubiri 6:13

Mutyenga Musengwa Katonda waimwe, mumusinzenga, era eriina lye lyonka lye mube mulayirenga.

Abaheburayi 6:16

Abantu bwe baba nga balayira bakozesa eriina ly'oyo abasinga obubbede, era ole olulayira ati ng'olwo ababaire batakana balekera.

1 Samueli 1:26

Hanna yaakoba Eli ati: “Musengwa Katonda ghangaala! Ninze omukazi ole eyali ghano mu maiso go ng'ali kusaba Musengwa Katonda.

1 Samueli 17:55

Saulo bwe yabona Daudi ng'ali kuja okulwanisa Omufilisiti, yaabuuza Abuneri omuduumizi w'eigye ati: “Abuneri, omwisuka oyo mutabane w'ani?” Abuneri yaamwiramu ati: “Isebantu kyabazinga, ndayira mu maiso go nti tiidhi naire.”

1 Samueli 20:2

Yonathani yaamukoba ati: “Busa naire. Toidha kufa. Bona eno, lata wange ghazira ky'akola n'aloba kunkoberaku, ka kibe kinene oba kitono. Kale lwaki yandingisiisa ekyo? Ekyo ti kituufu naire.”

1 Samueli 20:4

Yonathani yaakoba Daudi ati: “Ky'onaayenda kyonakyona ndidha kukikukolera.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”