1 Samueli 20:2 - Baibuli Ekibono kya Katonda 2014

² Yonathani yaamukoba ati: “Busa naire. Toidha kufa. Bona eno, lata wange ghazira ky'akola n'aloba kunkoberaku, ka kibe kinene oba kitono. Kale lwaki yandingisiisa ekyo? Ekyo ti kituufu naire.”

1 Samueli 20:2 ပူးပေါင်းရင်းမြစ်များ

Amainhama 44:7

Bairamu bati: “Isebo, kiki ekikwogeza ebibono ebiri ng'oti n'ebyo? Ife abagheereza bo titusobola kukola kintu kiri ng'oti n'ekyo.

Zabbuli 40:6

Emisengo, n'ebigheebwayo tobyegomba, era tosabangaku bigheebwayo byokebwa byonabyona kuwaagho, waire ebigheebwayo olw'okusoniyisa ebibi. Aye nze wampa amatu okukuwuliranga.

Ensambo 29:24

Omuntu akolagana n'omwibi akyagha obulamu obubwe mwene, era ni bwe bamulayiza takwekula mazima.

Isaia 50:5

Musengwa Katonda yampa okutegeera, naaloba kudheema era naaloba kwira inhuma kumuvaaku.

Luka 20:16

Aja kwidha azikirize abakozi abo n'eisamba aliteemu abandi.” Abantu bwe baawulira ekyo baakoba bati: “Katonda ataganha ekyo kubaagho.”

Yoanne 15:15

Tikaabeeta bagheereza, kuba omugheereza tamanha Musengwa we by'akola. Aye mbeeta bakagwa bange, kuba byonabyona bye nawulira okuva ewa Lata wange nabibamanhisa.

Yoanne 17:8

Kuba ebibono bye wampa mbibakobeire era baabisangaalira. Bamanhie bati bwenebwene nava y'oli era baikiriza nga niiwe owantuma.

Yoshua 22:29

Ife titusobola naire okudheemera Musengwa Katonda, oba buti okukyuka ni tulekera okujiira ku by'akoba, ni tuzimba alutaari okwokerangaku ebigheebwayo, oba okugheerangaku emere ey'empeke, oba emisengo. Titusobola kuzimba alutaari yindi ate nga eya Musengwa Katonda waife eri agho gha mberi gha Weema ey'Okwagaananirangamu ni Musengwa Katonda.”

Yoshua 24:16

Agho abantu bairamu bati: “Tituja kuleka Musengwa Katonda ni tugheereza bakatonda bandi.

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 20:1

Agho Daudi yaalumuka okuva e Naiothi mu Rama, yaaja eri Yonathani, yaamukoba ati: “Kiki kye nakola? Musango ki gwe naiza? Era kibi ki kye nakola ku lata wo memale ayende okundhita?”

1 Samueli 20:12

Era Yonathani yaayongera okukoba ati: “Musengwa Katonda wa Isiraeli k'abe omudhulizi. Olwaidho mu kiseera ng'oti ni kino oba olwadhuuzi, ndidha kuleba lata wange ankobere. Bwe nnaabona ng'ali kukwogeraku bukalamu, ndidha kukusindikira obukwenda nkumanhise.

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 9:15

Ng'ekaabulayo olunaku lulala memale Saulo aidhe, Musengwa Katonda yali ayoleike Samueli ekyama ng'akoba ati: