1 Samueli 20:16 - Baibuli Ekibono kya Katonda 2014

¹⁶ otaganhanga liina lya Yonathani kwerabirwa ba mu ndhu yo. Era Musengwa Katonda akughenga okwesasuuliza ku bazigu bo.”

1 Samueli 20:16 ပူးပေါင်းရင်းမြစ်များ

Amainhama 15:18

Ku lunaku olwo, Musengwa Katonda yaakola endagaano ni Aburamu. Yaakoba ati: “Baidhukulu bo mbaghaire ensi eno yoonayoona okuva ku nsalosalo ya Misiri okutuuka ku mwiga omukologho Eufurate.

2 Samueli 21:8

Kale kyabazinga yaaghaayo abalenzi ababiri batabane ba Saulo be yazaala mu Rizupa mughala wa Aya, omulala nga ni Arumoni ate owundi yaaba nga ni Mefiboshethi. Era yaaghaayo n'abalenzi abataanu Merabu mughala wa Saulo be yazaala ni Adirieli mutabane wa Barazillai Omumeholathi.

Yeremia 40:9

Gedalia yaabalayirira ghalala n'abaisirukale baibwe, ng'akoba ati: “Mutatya kugheereza Bababilonia. Imwe musigale mu nsi eno mugheereze bugheereze kyabazinga w'e Babilonia, byonabyona biidha kubajiira bukalamu.

Amateeka Agokubiri 23:21

“Bwe munaabangaku ni kye mweyamye okukolera Musengwa Katonda waimwe, mutalobanga kukituukiriza mangu. Kuba Musengwa Katonda waimwe taliroba kukibabuuza ni kibaviiramu okwonoona.

Yoshua 22:23

Bwe tuba nga twadheemera Musengwa Katonda, ni twezimbira alutaari eyaife ku bwaife nga ya kwokerangaku misengo, oba okugheerangaku ebigheebwayo eby'emere ey'empeke, oba ebigheebwayo olw'okutabagana, leka Musengwa Katonda mwene atubonereze.

1 Samueli 18:3

Agho Yonathani yaita omukago ni Daudi, kuba yagonzanga inho Daudi oyo nga bwe yeegonzanga mwene.

1 Samueli 20:42

Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.

1 Samueli 22:8

Obwo ekyo kye muviireku okundyamu olukwe? Ghazira muntu waire omulala ku imwe eyankoberaku ati mutabane wange yeeyimbye ni mutabane wa Yesse. Ghazira ku imwe yansaasiraku waire okunkoberaku, ati mutabane wange yapikiriza Daudi, omulala ku bagheereza bange, yaategeka okuneeteega nga bw'akoze olwaleero.”

1 Samueli 23:18

Agho bombi baakola endagaano mu maiso ga Musengwa Katonda. Bwe baamala, Yonathani yairayo eka ate Daudi yaasigala e Horeshi.

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 31:2

Abafilisiti baabingirira Saulo ni batabane be, baita Yonathani, ni Abinadabu, ni Malakishua, batabane ba Saulo.