1 Samueli 2:5 - Baibuli Ekibono kya Katonda 2014

⁵ Abo abaalyanga ni baiguta, mpegaano bapakasa bupakase okufuna kye banaalya; aye abo endhala be yalumanga, buti tekaabaluma. Omukazi eyali omugumba buti aliku abaana musanvu, aye ow'abaana kamaala tasigaizaagho waire mulala.

1 Samueli 2:5 ပူးပေါင်းရင်းမြစ်များ

Zabbuli 113:9

Aleetera omukazi omugumba okusangaala mu maka; yaamugha okuzaala abaana. Mwenamwena musaake Musengwa Katonda.

Zabbuli 34:10

Ni bwedhiba empologoma edh'amaani dhibula emere, aye abo abasaba Musengwa Katonda tibabulwa kintu kirungi.

Isaia 33:9

Abantu tibakaalima, eitaka liri bw'agho. Ebibira by'e Lebanoni biri kuwaagho. Ekiiko ky'e Sharoni kiri ng'oti irungu. Ate mu kiketezo ky'e Bashani ni ku lusozi Karumeli, emiti giwaawiiza amakaba.

Isaia 54:1

Iwe Yerusalemu, obairenga oti n'omukazi omugumba, omukazi atazaalanga ku mwana naire. Aye mpegaano timbuka oyembe era okube emizira; kuba oidha kuba n'abaana kamaala okusinga n'omukazi iba y'atavangaku n'amulekulira agho.

Yeremia 15:9

Omukazi eyazaala abaana omusanvu aziriike, amaani gaamuwaamu. Abona nzikiiza waire nga bukaali musana. Ensoni dhimugemye yaaswala. Abo abaliba nga bakaasigairegho ku imwe, ndibaleka abazigu baabaita. Nze Musengwa Katonda, ninze nkobye.”

Luka 1:53

Yaigusa abayala n'ebirungi, abakombe yaabaleka bwereere.

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Ab'e Galatia 4:27

Kuba ebyaghandiikibwa bikoba biti: “Sagamba, iwe omugumba atazaala. Timbuka oseke era okube emirali iwe atawulirangaku ku bisa bya mwana! Kuba omukazi ye baaleka agho aliba n'abaana kamaala okusinga omukazi owa iba atavangaghooku.”

Ruthi 4:15

Mughala wo oyo akugonza inho, akukoleire ebintu kamaala okusinga n'abaana abalenzi omusanvu. Era mpegaano akuzaaliire omwidhukulu, oyo aidha okukwiza obuto, era akulabirire mu myaka gyo egy'obukaire.”

1 Samueli 1:20

Hanna oyo yaatoola enda, yaazaala omwana mulenzi, yaamutuuma eriina Samueli, kuba yakoba ati: “Namusaba Musengwa Katonda”.

1 Samueli 1:6

Era mughalikwa we Pennina yamuyeeyerezanga inho olwa Musengwa Katonda okumusiba n'atazaala, yaamuleeteranga okunakughala.