1 Samueli 2:35 - Baibuli Ekibono kya Katonda 2014

³⁵ Ndidha kweronderayo kabona omwesigwa anaakolanga bye nhenda era ebinsangaaza. Nja kumugha eizaire era nditeegho ligheerezenga lubeerera oyo ye nasiiga omuzigo.

1 Samueli 2:35 ပူးပေါင်းရင်းမြစ်များ

2 Samueli 7:11

nga bwe baakolanga eira mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

2 Samueli 7:27

Wo Musengwa Katonda iwe Afuga Amagye, Katonda wa Isiraeli, nze omugheereza wo ngumye naakusaba ebintu ebyo, olw'ebyo by'ondholeike ng'okoba oti, olisikiza abaana n'abaidhukulu abange ku bwakyabazinga.

1 Bakyabazinga 1:45

Era Zadoki kabona ni Nathani omulanzi, bamusiize omuzigo e Gihoni, abe kyabazinga, era baavaayo baaja mu kibuga nga basagamba, olwo ekibuga kyabaamu okuwowoigana. Kale ni okwo n'okwasiikana kwe muwuliire.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

1 Bakyabazinga 2:35

Agho kyabazinga yaataagho Benaia mutabane wa Yehoiada okuba omuduumizi ow'eigye mu kifo kya Yoabu. Era kyabazinga yaataagho Zadoki kabona mu kifo kya Abiathari.

1 Ebyomubyanda 29:22

Ku lunaku olwo baaliira era baanhwera mu maiso ga Musengwa Katonda, nga basagamba ebitaloodheka. Agho bairamu okulangirira Solomoni mutabane wa Daudi okuba kyabazinga, baamusiiga omuzigo abafugenga mu liina lya Musengwa Katonda, ni Zadoki abenga kabona.

Zabbuli 18:50

Katonda agha kyabazinga y'agonza obughanguzi, oyo ye yalonda amwoleka nga bw'amugonza einho, era oyo nga ni Daudi ni baidhukulu be ebyanda n'ebyanda.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Okuvaayo 1:21

Era olw'okuba abazaalisa abo baali batya Katonda, Katonda yaabagha buli muntu okuba n'ab'omu maka ababe ku bubwe.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Okubala 25:13

emufuula mwene n'eizaire eririmwiririra okubanga bakabona olubeerera; kuba enkikidi yamugema ku lwange nze Katonda we, era yaaleetera Abaisiraeli okutoolebwaku ekibi kyaibwe.”

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

1 Samueli 10:10

Agho Saulo n'omugheereza we bwe baatuuka ku lusozi lwa Katonda, ekikunsu ky'abalanzi kyayagaanana nabo. Omwoyo gwa Katonda gwamwidhaku n'amaani mangi, era yaalanga ghalala nabo.

1 Samueli 10:9

Saulo bwe yakyuka n'akuba Samueli omugongo okuva gh'ali, Katonda yaakyusa Saulo oyo omwoyo. Era obumanhiso obwo bwonabwona bwatuukirira ku lunaku olwo.

1 Samueli 12:3

Ndi ghano, mpegaano muunumirize mu maiso ga Musengwa Katonda ni mu maiso ga kyabazinga ye yasiiga omuzigo. Naani ye nanhagaku ente ye? Oba naani ye nanhagaku endogoyi ye? Naani ye nakupankupaniaku oba waire okumutetenkereza mu kintu kyonakyona? Oba naani ye nalyakuuku enguzi? Bwe mba nga ghaligho ku ebyo kye nakola, muunumirize, ndidha kukibairizaagho.”

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 2:36

Ow'eizaire lyo yeenayeena aliwonagho alija ye kabona oyo okusabiriza akasente n'akamere, ng'amukoba ati, nkweghembye, mpa nkole ogundi ku mirimo gya bakabona, nsobole okufuna eky'okulya.’ ”

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.

1 Samueli 3:1

Agho mu biseera ebyo, omulenzi Samueli yali agheereza Musengwa Katonda nga Eli n'amulabirira. Era Musengwa Katonda yali tatera kwogera na bantu, waire okubabonekera.

1 Samueli 7:9

Kale Samueli yaatoola entaama ekaayonka yaagiita, yaagighaayo eri Musengwa Katonda ng'ekigheebwayo ekyokebwa kyonakyona ni kiwaagho. Samueli oyo yaalirira Musengwa Katonda ku lwa Isiraeli, era Musengwa Katonda yaamwiramu.

1 Samueli 8:3

Aye batabane ba Samueli abo tibeebisanga mu nsambo iseibwe ye yeebisangamu. Baajiiranga inho ku by'okufuna, n'okulya enguzi, era n'okusaliriza emisango.

1 Samueli 9:12

Abaghala baabairamu bati: “Aliyo, era wuuyo abakulembeiremu. Mwangugheku mumwagaane, yaakatuuka mu kibuga, kuba olwaleero abantu baja kughaayo omusengo mu kifo ekigulumivu eky'okusinzizaamu.

1 Samueli 9:13

Bwe munaaba nga mwakaingira ekibuga, mwidha kumwagaana ng'akaali kuja kulya mu kifo ekigulumivu eky'okusinzizaamu. Abantu tibaidha kulya ng'akaali kutuuka, kuba n'ali n'okusabira omusengo enkabi, memale olwo abantu abeeteibwa baghange okulya. Kale ni muniineniine, mwidha kumubona mangu.”