1 Samueli 2:30 - Baibuli Ekibono kya Katonda 2014

³⁰ Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.

1 Samueli 2:30 ပူးပေါင်းရင်းမြစ်များ

1 Bakyabazinga 11:11

Kale Musengwa Katonda kyeyava n'akoba Solomoni ati: “Nga bw'okoze ekyo, n'oloba okukuuma endagaano ye nakola n'iwe, era n'odheemera amateeka ge nakulagira, bwenebwene ndidha kukutoolaku obwakyabazinga, mbughe owundi ku bagheereza bo.

1 Bakyabazinga 2:27

Kale atyo Solomoni yaabinga Abiathari ku mulimo ogw'okuba kabona wa Musengwa Katonda. Mu nsambo eyo, yaatuukiriza Musengwa Katonda kye yakoba ku b'endhu ya Eli mu Shilo.

1 Ebyomubyanda 17:18

Ate kiki ekindi nze Daudi kye nnaayongera okukukoba? Iwe Musengwa Katonda wange ondidhi bukalamu nze omugheereza wo.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 26:18

baamulobera nga bakoba bati: “Uzzia, ti mulimo gwo okuniokeza Musengwa Katonda obubbaani. Ogwo mulimo gwa bakabona ab'oku lulyo lw'Aaroni abaayawulibwa okubuniosanga. Fuluma mu kifo kino ekitukuvu kuba okoze kisobyo, era Musengwa Katonda taidha kukugha kitiibwa naire olw'ekyo ky'okoze.”

Zabbuli 18:20

Yansasula ng'ajiira ku butuufu bwange; yampa enkabi dhe kuba nziraku musango.

Zabbuli 18:26

Oli mutukuvu eri abo ab'emyoyo emitukuvu, aye olabukira mangu abo abakozi b'ebibi.

Zabbuli 50:23

Ole bw'asiima, aba aghaireyo omusengo ogumpeesa ekitiisa, era nja kulokola oyo atambulira mu ngira entuufu.”

Zabbuli 73:20

Ng'ekirooto bwe kyerabirwa ng'omuntu asitwike, n'iwe Musengwa Katonda weena otyo bw'obeerabira amangu, ng'otooleire okukola ebibyo.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Okuvaayo 28:43

Aaroni ni batabane baidha kuvaalanga ebivaalo ebyo buliidho memale bangire mu Weema ey'Okwagaananirangamu ni Musengwa Katonda, oba baseete ye Alutaari okugheereza nga bakabona mu Kifo Ekitukuvu. Bwe batakola batyo balyereetaku omusango era baafa. Kino kiragiro ekitaja kuvaagho eri Aaroni n'abaana be era n'abaidhukulu.

Okuvaayo 29:9

obasibe enkoma mu nkende era obavaaze n'enkuufiira ku mitwe. Otyo bw'oidha okwawula Aaroni ni batabane babe bakabona. Era obwakabona bwidha kubanga bwaibwe olw'ekiragiro ekitaja kuvaagho.

Ensambo 12:8

Omuntu ali n'amagezi abantu bamwogeraku bukalamu, aye ole ali n'ebirowoozo ebyakyama bamunhooma.

Ensambo 4:8

Twalanga amagezi ng'eky'omughendo, goona gaidha kukufuulanga mukologho; gatenga mu kifuba kyo, goona gaidha kukugheesanga ekitiisa.

Ensambo 8:17

Ngonza abo abangonza, abo abandhagala n'omwoyo omulala bambona.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Yeremia 49:15

Musengwa Katonda oyo yakwesoomera iwe Edomu ati, alikufuula omunafu asembayo mu maghanga goonagoona, era buli muntu alikunhooma.

Ezekieli 34:10

Nze Musengwa Katonda ndi kubakoba imwe abaayi, nti buti nfuuse muzigu waimwe. Ndibavunaana olw'entaama dhange, naabalekeza okuba abaayi baadho, n'imwe beene mwena naabalekeza okweigusanga beene mwenka. Ndibatoolaku entaama dhange, mulobe kudhifuulanga kya kulya kyaimwe nga mudhikankamira.”

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Malaki 2:3

Ndibonereza abaana baimwe, n'imwe beene naababbaaka obusa bw'ensolo dhe mughaayo ng'emisengo. Era ndibabinga ghe ndi.

Okubala 11:20

aye mwidha kugirya omwezi mulamba okutuusa lw'eribafulumira mu nhindo n'ebasemba ku mwoyo. Ebyo bija kuba bityo kuba mwava ku Musengwa Katonda ali mu imwe, mwamwemuluguunhiza muti kale lwaki twava e Misiri?’ ”

Okubala 35:34

Mutayonoonanga nsi ye mubaamu, ensi nze Musengwa Katonda mwemba kuba nze Musengwa Katonda mba mu bantu bange Abaisiraeli.”

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Yoanne 5:44

Memale katyo mughanga mutya okwikiriza, imwe abagonza okusaakagana ni mutanoonia kusaakibwa oyo Katonda yenka?

Yoanne 8:49

Yesu yaabairamu ati: “Nziraku muzimu mubi. Lata wange mmutaamu ekinhagansi aye imwe mumudhuuluusa.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

1 Petero 1:7

Bino birigho lwa kukakasa ng'okwikiriza kwaimwe kwa mazima. Oba nga ni zaabu ow'ekiseera obuseera ateebwa mu muliro yaakenenulwa, n'okwikiriza kwona okw'omughendo okusinga ni zaabu, kuteekwa okulebwa n'okukakasibwa. Olwo ni mwasaakibwa, mwagheebwa ekitiisa n'ekinhagansi ku lunaku Yesu Kurisito lw'alibonekeraku.

Abalamuzi 9:10

Emiti gyakoba omuti omutiini giti, ‘Iwe idha, obe kyabazinga waife.’