1 Samueli 2:29 - Baibuli Ekibono kya Katonda 2014

²⁹ Lwaki timwisa kitiisa mu misengo gyange n'ebigheebwayo byange bye nalagira abantu bange okumpa? Iwe Eli, lwaki ogha batabane bo ekitiisa ekinene okusinga ky'ompa nze, ni mugeedhera ku bisinga obulungi, mu ebyo abantu bange Abaisiraeli bye baghaayo?

1 Samueli 2:29 ပူးပေါင်းရင်းမြစ်များ

2 Bakyabazinga 12:6

Aye omwaka ogwamakumi abiri n'esatu (23) nga kyabazinga Yoashi n'afuga gwatuuka, aye nga bazira ghe balongoosiisaaku naire.

Zabbuli 26:8

Wo Musengwa Katonda, ngonza endhu yo mw'oba, n'ekifo ekitiisa kyo ghe kibonekera.

Ezekieli 13:19

Mwonoona eriina lyange mu bantu bange, nga mwenda okufunayo emiganda obuganda egya sayiri, n'ebitole obutole eby'emere. Mwaita abantu abatagwaniire kufa, ate abatagwaniire kuba balamu mwabawonia. Era mwakobera abantu bange eby'obuguya, era boona baabawulirisa.”

Ezekieli 34:10

Nze Musengwa Katonda ndi kubakoba imwe abaayi, nti buti nfuuse muzigu waimwe. Ndibavunaana olw'entaama dhange, naabalekeza okuba abaayi baadho, n'imwe beene mwena naabalekeza okweigusanga beene mwenka. Ndibatoolaku entaama dhange, mulobe kudhifuulanga kya kulya kyaimwe nga mudhikankamira.”

Ezekieli 34:2

“Iwe omuntu, langirira akabi akali kwidhira abakulembeze b'omu Isiraeli. Langa obakobere nze Musengwa Katonda bye ndi kubakoba nti: Mukagwireku imwe abakulembeze b'omu Isiraeli. Muligho kweigusa beene nga timulabirira ntaama dhe mwaya.

Hosea 4:8

Mufuuka bakombe olw'ebyo ebigheebwayo abantu bange ku lw'ebibi byaibwe, kyemuva mwenda inho beeyongere okwonoona.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Matayo 10:37

“Oyo agonza lata we oba inhina okusinga nze, tangwanira, n'oyo agonza mutabane oba mughala we okusinga nze, tangwanira.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Luka 14:26

“Omuntu yeenayeena bw'aidha ye ndi memale n'atakyagha ise, n'inhina, ni mukazi we, n'abaana be, ni baganda be, ni baanhina ate era n'obulamu bwe mwene, taghanga kuba mwegeresebwa wange.

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

2 Ab'e Korintho 5:16

Mperaano titukaabonera muntu yeenayeena mu magezi ga buntu. Waire nga ghaaligho ghe twaboneranga Kurisito mu magezi ag'obuntu, mperaano titukaamubona tutyo.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Amateeka Agokubiri 33:9

Abalevi abo baagumira ku iwe, okusinga okufa ku bazaire baibwe ni ku baganda baibwe ni ku baana baibwe. Baawulira ebiragiro byo, era baakuuma endagaano yo.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

Yoshua 18:1

Abaisiraeli bwe baamala okughangula ekiketezo kyonakyona Katonda kye yabagha, beesololeza e Shilo boonaboona, era nga bali eyo baasimba Weema ey'Okwagaananirangamu ni Musengwa Katonda.

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.