1 Samueli 2:18 - Baibuli Ekibono kya Katonda 2014

¹⁸ Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:18 ပူးပေါင်းရင်းမြစ်များ

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

1 Ebyomubyanda 15:27

Daudi yaavaala ekanzu ey'olugoye olughegheevu, era n'abembi, ni Kenania omukulembeze waibwe, n'Abalevi boonaboona abaabbeeda Esanduuku ey'Endagaano, nga boona bavaire batyo. Daudi yali avaire n'ekivaalo eky'obwakabona eky'olugoye olughegheevu.

Okuvaayo 28:4

Ebivaalo bye babe bakole ni bino: eky'omu kifuba, eky'obwakabona, ekanzu, ekivaalo ekidholige n'empiso n'ewuuzi, ekitambaala eky'oku mutwe, n'olukoma. Baidha kukolera muganda wo oyo Aaroni ni batabane ebivaalo ebitukuvu bampeereze nga bakabona.

Abalevi 8:7

Yaavaaza Aaroni esaati n'ekanzu, yaamusiba olukoma mu nkende, yaamuvaaza n'ekivaalo eky'obwakabona, yaakisiba n'olusibiro lwakyo olwalukibwa obukalamu, yaakimunhweza mu nkende.

1 Samueli 14:3

Era Saulo oyo yali ng'ali ghalala ni Ahiya mutabane wa Ahitubu era muganda wa Ikabodi. Ikabodi oyo nga mutabane wa Finehasi, ate Finehasi oyo yaaba mutabane wa Eli kabona wa Musengwa Katonda e Shilo. Ahiya oyo yali avaire ekivaalo eky'obwakabona. Abantu tibaamanha nga Yonathani ajiire.

1 Samueli 2:11

Agho Elukana yairayo eka. Omulenzi yaasigala ng'agheereza Musengwa Katonda, nga Eli n'amulabirira.

1 Samueli 2:28

Era naamulonda mu bika byonabyona ebya Isiraeli abe kabona wange, ajenga ku alutaari yange, aniokezenga obubbaani, era avaalenga ekivaalo eky'obwakabona mu maiso gange. Era naagha ab'endhu ye ebigheebwayo ebyokebwa byonabyona Abaisiraeli bye bampa.

1 Samueli 22:18

Agho kyabazinga yaakoba Doegi ati: “Iwe kyuka oite bakabona abo.” Era Doegi Omuedomu yaagwa ku bakabona yaabaita. Ku lunaku olwo yaita bakabona kinaana na bataanu abaavalanga ebivaalo eby'obwakabona ebyakolebwa mu ngoye empegheevu.

1 Samueli 3:1

Agho mu biseera ebyo, omulenzi Samueli yali agheereza Musengwa Katonda nga Eli n'amulabirira. Era Musengwa Katonda yali tatera kwogera na bantu, waire okubabonekera.