1 Samueli 19:5 - Baibuli Ekibono kya Katonda 2014

⁵ Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”

1 Samueli 19:5 ပူးပေါင်းရင်းမြစ်များ

2 Samueli 23:10

Mwene yaakana yaita Abafilisiti okutuusa omukono gwe bwe gwakoogha, engalo ni dhimwefunhira ku mpiima. Musengwa Katonda yaabagha obughanguzi obw'amaani olunaku olwo. Abaisiraeli baamala baira bwa kutoola ku baitibwa bintu.

1 Ebyomubyanda 11:14

Aye mwene ng'ali ghalala n'abalwani be, baayemerera ghagati mu musiri baalwanisa Abafilisiti era baabaita. Musengwa Katonda yaabagha obughanguzi obw'amaani.

1 Ebyomubyanda 11:18

Agho abalwani bale abasatu ab'amaani baaja baaghaguza mu kifo Abafilisiti ghe baasimba weema dhaibwe, baasena amaadhi mu nsulo eyo, baagaleetera Daudi. Aye yaaloba kuganhwaku naire, yaagafukira Musengwa Katonda

Zabbuli 109:5

Kale bwe mbakolera ebikalamu bansasulamu bibi, bwe mbagonza bansasulamu kunkyagha!

Zabbuli 119:109

Waire nga obulamu bwange buli mu kabi ka kufa buli kiseera, tija kwerabira mateeka go.

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Zabbuli 94:21

Beeteesa okulumba abantu abalungi, baasalira abantu ogw'okufa abaziraku musango.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ab'e Filippi 2:30

kuba yeeghaayo olw'omulimo gwa Kurisito, era kata afe ng'ali kugezaaku okutuukiriza ekyo kye mwamuntumira.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Abalamuzi 12:3

Bwenabona nga timwidhie kubamponia, naaghaayo obulamu bwange, naaja okulwanisa Abammoni abo era Musengwa Katonda yampa okubaghangula. Kale, lwaki mwidhie olwaleero okuunwanisa?”

Abalamuzi 9:17

Mwidhukire nga lata wange yabalwanirira yaaghaayo obulamu bwe, yaabawonia Abamidia.

1 Samueli 11:13

Aye Saulo yaakoba ati: “Ghazira muntu waire omulala anaitibwa olwaleero, kuba luno n'olunaku Musengwa Katonda lw'anunuliireku Isiraeli.”

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 19:6

Saulo yaikiriza ebyo Yonathani bye yamukoba, era yaalayira ng'akoba ati: “Bwenebwene mu Katonda omulamu, tiidha kwita Daudi.”

1 Samueli 20:32

Yonathani yaabuuza lata we Saulo ati: “Lwaki Daudi ateekwa kufa? Kiki ky'akoze?”

1 Samueli 22:14

Ahimeleki yairamu kyabazinga ati: “Mu bagheereza bo boonaboona naani omwesigwa ng'oti ni Daudi? Daudi oyo, mukoirume wo era n'akulira ekikunsu eky'abakukuuma, era wa kitiibwa mu ndhu yo.

1 Samueli 28:21

Omukazi yaaseeta aghali Saulo, yaabona ng'atiire inho. Yaamukoba ati: “Bona eno, nze omugheereza wo omukazi ngondeire ky'onkobye, naawaayo obulamu bwange naakola nga bw'okobye.