1 Samueli 19:24 - Baibuli Ekibono kya Katonda 2014

²⁴ Yeena yaatoolamu ebivaalo bye, yaalanga ng'ali mu maiso ga Samueli. Yaalambaala agho ng'ali madu obwire obwo bwonabwona. Okwo n'okwava endhogera ekoba eti: “Obwo Saulo yeena yafuuka mulanzi?”

1 Samueli 19:24 ပူးပေါင်းရင်းမြစ်များ

2 Samueli 6:14

Daudi yaakinira Musengwa Katonda n'amaani ge goonagoona, nga yeesibye bwa mu nkende ekivaalo eky'obwakabona ekyakolebwa mu ngoye empegheevu.

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

Isaia 20:2

Mu kiseera kyene ekyo Musengwa Katonda yaakoba Isaia mutabane wa Amozi ati: “Ja otoolemu ekutiya y'ovaire, otoolemu n'engaito mu bigere.” Isaia yaakola atyo, yaatambula ng'ali madu era ng'azira ngaito mu bigere.

Mika 1:8

Agho Mika yaakoba ati: “Ebyo n'ebindiza amaziga naagegenga. Era ndidha kutambulanga madu nga tivaire na ngaito, okwoleka nga bwendi mu bughafu. Ndidha kukubanga oluwungu ng'oti kibe, era ndidha kujanga nga ndira ng'oti maaya.

Okubala 24:4

Bino n'ebibono by'oyo awulira Katonda by'ayogera, ebibono by'oyo atenduka aye n'asigala ng'amoga, n'abona okubonekerwa kw'oyo Aghanga Ebintu Byonabyona.

Ebikolwa by'Abatume 9:21

Boonaboona abaamuwulira beewuunhia inho, bakoba bati: “Ono ti n'omusaadha eyakiriganga ab'omu Yerusalemu abaasinzanga Yesu oyo? Era ti yaidha eno abageme abatwale ye Bakabona Abakulu?”

1 Samueli 10:6

Agho omwoyo gwa Musengwa Katonda gwidha kukwidhaku n'amaani mangi, ofuuke muntu wundi era olange ghalala nabo.

1 Samueli 15:35

Era Samueli tiyairayo kubona ku Saulo okutuusa bwe yafa. Aye yasigala ng'ali mu nnaku olwa Saulo oyo. Era Musengwa Katonda yeidhusa olw'okufuula Saulo okuba kyabazinga wa Isiraeli.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.