1 Samueli 19:23 - Baibuli Ekibono kya Katonda 2014

²³ Kale yaava agho, yaaja e Naiothi mu Rama. Bwe yali ali kuja, omwoyo gwa Katonda yeena gwamwidhaku. Yaaja ng'ali kulanga okutuusa bwe yatuuka e Naiothi mu Rama.

1 Samueli 19:23 ပူးပေါင်းရင်းမြစ်များ

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Ensambo 21:1

Omwoyo gwa kyabazinga guba mu buyinza bwa Musengwa Katonda; agukyukiza buli y'ayenda ng'oti n'omweta ogw'amaadhi.

Okubala 23:5

Agho Musengwa Katonda yaalagira Balaamu by'anaayogera, era yaamukoba ati: “Irayo ye Balaki oyogere otyo.”

Okubala 24:2

yaabona Abaisiraeli nga basimbye weema dhaibwe, ng'ebika byaibwe bwe biiraganwaku. Agho omwoyo gwa Katonda gwamwidhaku,

Matayo 7:22

Ku lunaku olwo, abantu kamaala balinkoba bati, ‘Musengwa, Musengwa, titwalanganga mu liina lyo, twabinganga emizimu emibi, era titwakolanga byewuunhio kamaala mu liina lyo?’

Yoanne 11:51

Aye yali tali kukoba kino ku bubwe, aye okuva bwe yali nga n'Omukulu wa Bakabona mu mwaka ogwo, yali ali kulanga nga Yesu bwe yali aja okufiiririra eighanga eryo.

1 Ab'e Korintho 13:2

Era ni bwe mba n'amaani ag'obulanzi, ni ntegeera ebyama bya Katonda byonabyona, era ni mmanha ebintu byonabyona, era ni bwe mba n'okwikiriza okusobola okusimulagho ensozi, aye ni mba nga tigonza bantu banange, tiba na muganhulo.

1 Samueli 10:10

Agho Saulo n'omugheereza we bwe baatuuka ku lusozi lwa Katonda, ekikunsu ky'abalanzi kyayagaanana nabo. Omwoyo gwa Katonda gwamwidhaku n'amaani mangi, era yaalanga ghalala nabo.

1 Samueli 10:12

Agho omuntu ow'omu kiketezo ekyo yairamu ati: “Ate bano abalanzi abandi, iseibwe naani?” Okwo n'okwava endhogera ekoba eti: “Obwo Saulo yeena abalirwa mu balanzi?”

1 Samueli 10:6

Agho omwoyo gwa Musengwa Katonda gwidha kukwidhaku n'amaani mangi, ofuuke muntu wundi era olange ghalala nabo.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.

1 Samueli 19:18

Agho Daudi yaalumuka yaabulagho, yaaja yaatuuka ye Samueli e Rama, yaamukobera byonabyona Saulo bye yamukola. Daudi oyo ni Samueli baaja e Naiothi baaba eyo.

1 Samueli 19:20

Kale Saulo yaatuma abakwenda okugema Daudi. Aye abakwenda abo bwe baabona ekikunsu eky'abalanzi nga bali kulanga, nga Samueli ali nabo era nga n'omukulembeze waibwe, omwoyo gwa Katonda gwabaidhaku, boona baatoolera okulanga.

1 Samueli 19:22

Kale mwene yaaja e Rama, yaatuuka ku nsulo enkologho eri e Seku, yaabuuza ati: “Samueli ni Daudi bali luuyi gha?” Agho ghaabaagho eyamukobera ati: “Bona eno, bali e Naiothi mu Rama.”