1 Samueli 18:7 - Baibuli Ekibono kya Katonda 2014

⁷ Abakazi abo baayemba nga basagamba bati: “Saulo aise nkumi na nkumi, Daudi yaita mitwalo na mitwalo.”

1 Samueli 18:7 ပူးပေါင်းရင်းမြစ်များ

2 Samueli 18:3

Aye abantu baamukoba bati: “Busa, iwe otaja n'ife, kuba ife bwetunaalumuka abazigu tibaidha kutufaaku. Ni bwetunaafa abangi, nga ku buli bantu ababiri ababiri kufaaku omuntu mulala mulala, era abazigu tibaidha kufaayo. Aye iwe ovaamu ife omutwalo mulamba (10,000). Kale, ekisingaku bukalamu, niiwe okusigala mu kibuga n'otugheerezanga obuyambi.”

2 Samueli 23:1

Bino n'ebibono bya Daudi ebyasembayo: Kuno n'okwogera kwa Daudi mutabane wa Yesse, okwogera okw'omuntu Katonda ye yagulumiza, omuntu Katonda wa Yakobo oyo ye yasiiga omuzigo, omwembi wa zabbuli mu Isiraeli ataloodheka.

2 Samueli 6:5

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Musengwa Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide.

Okuvaayo 15:21

Miriamu yaabakulemberamu ati: “Leka nhembere Musengwa Katonda, kuba aghangwire n'ekitiisa, aswire embalaasi n'abavuzi baadho mu nhandha.”

1 Samueli 21:11

Abagheereza ba Akishi baakoba bati: “Ono ti ni Daudi kyabazinga ow'ensi eyo? Oyo ti ye baayembanga mu lwembo bwe bakina, nga bakoba bati, ‘Saulo aise nkumi na nkumi, Daudi yaita mitwalo na mitwalo.’ ”

1 Samueli 21:12

Daudi yeeraliikirira olw'ebibono ebyo, yaatya inho Akishi kyabazinga w'e Gathi.

1 Samueli 29:5

Oyo ti ni Daudi ye bemba bwe bakina, nga bakoba bati, ‘Saulo aise nkumi na nkumi, Daudi yaita mitwalo na mitwalo.’ ”