1 Samueli 18:5 - Baibuli Ekibono kya Katonda 2014

⁵ Daudi yaajanga, yaakolanga bukalamu buli kintu Saulo kye yamutumanga okukola. Kale Saulo yaamufuula omukulu w'abaisirukale. Ekyo kyasangaaza inho abagheereza ba Saulo n'abantu boonaboona.

1 Samueli 18:5 ပူးပေါင်းရင်းမြစ်များ

Amainhama 39:23

Omukuumi w'eikomera tiyeeraliikiriranga kintu kyonakyona ekyagemesebwa Yosefu, kuba Musengwa Katonda yali ghalala ni Yosefu, ng'agha enkabi kiisi kye yakolanga.

2 Samueli 5:10

Daudi oyo yaajanga nga yeeyongera okuba omukologho, kuba Musengwa Katonda Afuga Amagye yali ali naye.

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Ebyomubyanda 17:3

Musengwa Katonda yaagha Yehoshafati enkabi, kuba yajiiranga ku mpisa enkalamu edha lata we edhaasooka, yaaloba kusinzanga emisambwa egyetebwa Baali.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 101:2

Ndidha kwebisanga mu ngeri etandeetere kwogerwaku. Oliidhaku li ye mba? Ndidha kubanga mwesigwa okuviira irala mu ndhu yange.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Ebikolwa by'Abatume 7:10

Katonda yaamubisa mu bizibu byonabyona yaamugha amagezi n'okugonga eri Farao, kyabazinga wa Misiri eyamugha obwami mu Misiri n'okufuga ebintu bye byonabyona.

Ab'Efeso 5:17

Kale mutabanga basiru aye mumanhenga Musengwa ky'ayenda mukole.

Ab'e Kolosai 4:5

Mwegenderezenga nga mukolagana n'abo abakaali kwikiriza Kurisito, kiisi kaghagaanhia ke muba nako mukakozese bukalamu.

Abalamuzi 1:19

Era Musengwa Katonda yaababeera, baatwala ekiketezo eky'ensozi. Aye baaloba kughanga kubingamu batyamye ba mu kiketezo kya ku museetwe, kuba abatyamye abo baali n'ebigaali eby'omu lutalo nga byakolebwa mu kyuma ekigumu einho.

1 Samueli 13:2

Saulo yalonda mu Baisiraeli abasaadha enkumi isatu (3,000). Ku abo yaatoolaku enkumi ibiri (2,000) baabanga ghalala naye e Mikamashi ni mu kiketezo eky'oku nsozi eky'e Betheli. Ate olukumi (1,000) baabanga ghalala ni Yonathani e Gibea mu kiketezo kya Benjamini. Abantu abandi boonaboona yaabasiibula, bairayo ewaibwe.

1 Samueli 14:52

Ghaabangagho okulwanagana okw'amaani n'Abafilisiti, ekiseera kyonakyona kyabazinga Saulo kye yamala nga mulamu. Era Saulo buli lwe yabonanga omuntu ow'amaani oba aziramu ntete, ng'amwingiza mu igye lye.

1 Samueli 18:16

Aye abantu boonaboona mu Isiraeli ni mu Buyudaaya, baayenda inho Daudi, kuba yabakulemberanga bukalamu.

1 Samueli 18:30

Agho abafuzi ab'Abafilisiti baavangayo okulwana n'Abaisiraeli. Aye buli mukuzi gwe baidhanga, nga Daudi aba n'obughanguzi okusinga abagheereza ba Saulo abandi boonaboona. Kale Daudi yaamanhikana inho.

1 Samueli 18:4

Yonathani yaatoolamu ekanzu ye yali avaire, yaagigha Daudi, yaamugha n'ekivaalo kye eky'omu lutalo, n'empiima ye, n'akalaso ke, era n'olusibiro lwe.

1 Samueli 18:6

Agho bwe baali nga bali kwira eka, nga Daudi yeena ali kwira ng'amaze okwita Omufilisiti, abakazi baava mu bibuga byonabyona ebya Isiraeli, baaja okweisuusaayo kyabazinga Saulo. Baaja nga bemba enhembo edh'eisanhu nga bwe bakina. Era baakuba obugoma n'ebivuga ebindi bye bakubiraku enhembo.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.