1 Samueli 18:3 - Baibuli Ekibono kya Katonda 2014

³ Agho Yonathani yaita omukago ni Daudi, kuba yagonzanga inho Daudi oyo nga bwe yeegonzanga mwene.

1 Samueli 18:3 ပူးပေါင်းရင်းမြစ်များ

2 Samueli 21:7

Aye kyabazinga Daudi yaawonia Mefiboshethi mutabane wa Yonathani era mwidhukulu wa Saulo, yaaloba kumughaayo, olw'ekirayiro Daudi oyo ni Yonathani oyo mutabane wa Saulo kye baakola mu liina lya Musengwa Katonda.

Ensambo 18:24

Ab'emikwano abandi baba ba kiseera buseera, aye ghaligho abagumya omukwano okuwula n'owoluganda.

1 Samueli 19:1

Agho Saulo yaakoba mutabane we Yonathani n'abakungu be boonaboona, baite Daudi. Aye Yonathani mutabane wa Saulo oyo, yali agonza inho Daudi.

1 Samueli 20:41

Omwisuka olwamala okuja ati, Daudi yaasituka okuva einhuma w'emungo ey'amabaale. Yaakutama n'ekyeni kyatuuka ku itaka emikuzi esatu, ng'ali ku makiryaivu. Agho baanhwegeragana bombi nga bwe balira, okutuusa Daudi bwe yamala n'aguma.

1 Samueli 20:42

Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.

1 Samueli 22:8

Obwo ekyo kye muviireku okundyamu olukwe? Ghazira muntu waire omulala ku imwe eyankoberaku ati mutabane wange yeeyimbye ni mutabane wa Yesse. Ghazira ku imwe yansaasiraku waire okunkoberaku, ati mutabane wange yapikiriza Daudi, omulala ku bagheereza bange, yaategeka okuneeteega nga bw'akoze olwaleero.”

1 Samueli 23:18

Agho bombi baakola endagaano mu maiso ga Musengwa Katonda. Bwe baamala, Yonathani yairayo eka ate Daudi yaasigala e Horeshi.