1 Samueli 18:27 - Baibuli Ekibono kya Katonda 2014

²⁷ Daudi yaasitukiramu yaaja n'abasaadha be, yaita Abafilisiti ebikumi bibiri. Yaatwala obuwutu bwe yabakeketaku, yaabughaayo bwonabwona ye kyabazinga era yaabumubalira, olwo aghange okufumbirwa mughala we. Kale Saulo yaagha Daudi mughala we Mikali, yaamufumbirwa.

1 Samueli 18:27 ပူးပေါင်းရင်းမြစ်များ

2 Samueli 3:13

Daudi yaamukoba ati: “Kale, ndidha kukola n'iwe endagaano, aye ndi kukwendaku ekintu kirala kiti: oteekwa buteekwe okundeetera Mikali mughala wa Saulo, bw'oliba ng'oli kwidha okumbona.”

2 Samueli 3:14

Daudi era yaagheereza abakwenda ye Ishiboshethi mutabane wa Saulo ng'amukoba ati: “Mpa mukazi wange Mikali ye nagheeraku omwandu ogw'obuwutu ekikumi bwe nakeketa ku basaadha Abafilisiti.”

Abalamuzi 14:19

Agho omwoyo gwa Musengwa Katonda gwamwidhaku n'amaani, yaaserengeta mu Ashikeloni, yaitayo abasaadha amakumi asatu, yaabanhagaku ebintu byaibwe, ebivaalo byaibwe eby'oku mbaga yaabitwalira abasaadha abaita ekikoiko kye. Olwo yairayo mu maka ga ise ng'aliku obusungu obubitirivu.

1 Samueli 14:49

Saulo yali ni batabane be bano: Yonathani, Ishavi, ni Malakishua. Era yaaba ni baghala be bano: omuberi nga ni Merabu, ate muto we nga ni Mikali.

1 Samueli 18:13

Kale Saulo yaalekeza Daudi okubanga agho mu maiso ge, yaamufuula muduumizi wa baisirukale lukumi (1,000) Daudi yaabakulemberanga okuja mu ntalo.

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”

1 Samueli 18:28

Aye era Saulo yaakibona era yaakitegeera nga Musengwa Katonda ali ni Daudi, era nga Abaisiraeli boonaboona bagonza Daudi oyo.

1 Samueli 25:44

Mu kiseera ekyo, Saulo yali amaze okutoola mughala we Mikali, eyali muka Daudi, yaamugabira Palati mutabane wa Laishi ow'e Gallimu.