1 Samueli 18:25 - Baibuli Ekibono kya Katonda 2014

²⁵ Agho Saulo yaabakoba ati: “Muje mukobe Daudi muti, ‘Kyabazinga taidha kusala mwandu ku mugole, okutoolaku obuwutu kikumi obukeketeibwa ku Bafilisiti. Olwo kyabazinga abe nga yeesasuuliiza ku bazigu be abo.’ ” Saulo yalowooza ati Abafilisiti baidha kwita Daudi.

1 Samueli 18:25 ပူးပေါင်းရင်းမြစ်များ

Amainhama 29:18

Yakobo yali ayenda inho Rakeli, kale yaakoba ati: “Ndidha kukukolera okumala emyaka musanvu ompe Rakeli mughala wo omuto.”

Amainhama 34:12

Omwandu n'ebirabo bye munansalira ni bwe binaayaga gha obungi, ndidha kubibagha, kasita mumpa omughala okumubayiza.”

2 Samueli 3:14

Daudi era yaagheereza abakwenda ye Ishiboshethi mutabane wa Saulo ng'amukoba ati: “Mpa mukazi wange Mikali ye nagheeraku omwandu ogw'obuwutu ekikumi bwe nakeketa ku basaadha Abafilisiti.”

Yoshua 5:3

Kale Yoshua yaakola nga Musengwa Katonda bwe yamulagira, yaabakeketera e Gibeathi Haaralothi.

1 Samueli 14:24

Agho Abaisiraeli baaba bubi ku lunaku olwo, kuba Saulo yabalayiza ng'akoba ati: “Omuntu yeenayeena anaalya ng'eigulo likaali era nga nkaali kumala kwesasuuliza ku bazigu bange, akolimirwe.” Kale ghaabulagho akomba ku kamere waire omulala.

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”

1 Samueli 18:24

Abagheereza abo baaja baakobera Saulo, ebyo Daudi bye yakoba.

1 Samueli 19:1

Agho Saulo yaakoba mutabane we Yonathani n'abakungu be boonaboona, baite Daudi. Aye Yonathani mutabane wa Saulo oyo, yali agonza inho Daudi.