1 Samueli 18:17 - Baibuli Ekibono kya Katonda 2014

¹⁷ Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”

1 Samueli 18:17 ပူးပေါင်းရင်းမြစ်များ

2 Samueli 11:15

Mu mbaluwa omwo yaghandiikamu ati: “Ta Uria emberi mu lutalo aghasinga kuba ghabi, memale imwe mumuleke eyo mwire einhuma, abazigu bamufumite bamwite.”

2 Samueli 12:9

Lwaki wanhooma ebiragiro bya Musengwa Katonda, n'okola ebibi y'ali? Waita Uria Omuhitti nga weeyambisa Abammoni, waatoola mukazi we waamufuula wuwo.

2 Samueli 6:16

Esanduuku ya Musengwa Katonda bwe baali bali kugireeta mu kibuga kya Daudi, Mikali mughala wa Saulo yaalengeza mu dinisa yaalinga kuliya, yaabona kyabazinga Daudi ng'ali kutuuma bw'akinira Musengwa Katonda. Yaamunhooma mule.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 55:21

Ng'akozesa olulimi olw'okwewooya, ate nga mu mwoyo gwe mwidhwire nzigu ebibono bye nga biwooma okuwulirisa, aye nga bifumita oti mafumo geene.

Ensambo 26:24

Omuguya agisa obukyayi bw'ali nabwo ku mwoyo, ng'ayogera ebiwooyawooya.

Ensambo 26:25

Aye ni bw'ayogera ebibono ebiwooma bitya, otamwikirizanga, kuba mu mwoyo gwe mwidhwire ebintu kamaala ebyenhinhalwa.

Ensambo 26:26

Era ni bw'aghemba atya ku bukyayi bw'ali nabwo, obubi bwe buja kumanhibwa abantu boonaboona.

Okubala 21:14

Mu kitabo ky'entalo dha Musengwa kyebava bakoba bati: “Ekibuga kya Wahebu ekiri mu biketezo bya Sufa, n'ebiiko by'oku mwiga Arunoni,

Okubala 32:20

Musa yaabairamu ati: “Bwemuba nga mutyo bwe munaakola, kale ni buti mu maiso ga Musengwa Katonda mugeme eby'okulwanisa mwetegeke okuja mu lutalo.

Okubala 32:27

Aye ife abagheereza bo twidha kusomoka, nga buli muntu agemye eky'okulwanisa, tuje mu lutalo tulwane nga Musengwa Katonda atukulembeire, nga iwe musengwa waife Musa bw'okobye.”

Okubala 32:29

“Ab'ekika kya Reubeni n'ab'ekya Gadi bwe balyetegeka okulwana, Musengwa Katonda ng'abakulembeiremu, ni basomoka n'imwe Yorudani, memale ni mughangula ekiketezo ekyo eky'e bugwandhuba wa Yorudani, mulibagha ekiketezo eky'e Gileadi ng'obutaka bwaibwe.

Amateeka Agokubiri 17:7

Abadhulizi n'abanaasookanga okumukuba okutoolereza okumwita, memale abantu abandi boonaboona baamukuba mu nsambo eyo, mwidha kwetoolangaku ekibi ekyo.

1 Samueli 14:49

Saulo yali ni batabane be bano: Yonathani, Ishavi, ni Malakishua. Era yaaba ni baghala be bano: omuberi nga ni Merabu, ate muto we nga ni Mikali.

1 Samueli 17:25

Era baakoba bati: “Muboine omusaadha oyo eyeesowoireyo n'aidha? Bwenebwene aidhie kusonsoonia Isiraeli. Omuntu anaamwita, kyabazinga aidha kumugha obukombe kamaala, amughe ni mughala we amufumbirwe era afuule n'ab'omu ndhu ya ise okuba ab'eidembe mu Isiraeli.”

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”

1 Samueli 17:47

Era olwo abantu bano boonaboona abeesoloiza ghano bamanhe nga Musengwa Katonda talokola na mpiima waire na ifumo kuba Musengwa Katonda ni mwene lutalo luno, era imwe aidha kubata mu ngalo dhaife tubaghangule.”

1 Samueli 18:21

Saulo yaakoba mule ati: “Ka mmumughe, mmweyambise ng'omutego, era neeyambise n'Abafilisiti balwanise Daudi oyo.” Kale Saulo yaakoba Daudi omukuzi ogwokubiri ati: “Oidha kuba mukoirume wange.”

1 Samueli 18:25

Agho Saulo yaabakoba ati: “Muje mukobe Daudi muti, ‘Kyabazinga taidha kusala mwandu ku mugole, okutoolaku obuwutu kikumi obukeketeibwa ku Bafilisiti. Olwo kyabazinga abe nga yeesasuuliiza ku bazigu be abo.’ ” Saulo yalowooza ati Abafilisiti baidha kwita Daudi.

1 Samueli 18:27

Daudi yaasitukiramu yaaja n'abasaadha be, yaita Abafilisiti ebikumi bibiri. Yaatwala obuwutu bwe yabakeketaku, yaabughaayo bwonabwona ye kyabazinga era yaabumubalira, olwo aghange okufumbirwa mughala we. Kale Saulo yaagha Daudi mughala we Mikali, yaamufumbirwa.

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.

1 Samueli 30:26

Daudi bwe yatuuka e Zikulaga yaatoola ku munhago, yaagheereza ku bakagwa be abakulembeze mu Buyudaaya, ng'akoba ati: “Ekirabo kino kye mbagheereiza, kiva ku munhago gwe twatoola ku bazigu ba Musengwa Katonda.”