1 Samueli 17:8 - Baibuli Ekibono kya Katonda 2014

⁸ Agho Goliathi yaayemerera, yaakoba abalwani Abaisiraeli ng'aleekaana ati: “Lwaki mwidhie okwetegeka okulwana? Nze ndi Mufilisiti, ate imwe muli bagheereza ba Saulo. Mwerondemu omuntu aidhe ye ndi.

1 Samueli 17:8 ပူးပေါင်းရင်းမြစ်များ

2 Samueli 11:11

Uria yaamwiramu ati: “Esanduuku y'Endagaano eri mu ntindi, n'abasaadha aba Isiraeli n'aba Yuda boonaboona basula mu ntindi. Era musengwa wange Yoabu n'abagheereza be, basimbye weema dhaibwe mu irungu. Memale nze nnaaja ntya eka, okulya, okunhwa n'okusula ni mukazi wange? Busa naire. Ndayira musengwa wange iwe kyabazinga omulamu nti, tiidha kukola kintu ng'oti n'ekyo.”

1 Ebyomubyanda 21:3

Yoabu yaamukoba ati: “Musengwa Katonda wo agwananga yaayongera ku bungi obw'abantu ba Isiraeli emikuzi kikumi okusinga bwe bali. Isebantu kyabazinga, abo boonaboona mbona bantu bo era bagheereza mulala iwe. Aye musengwa wange kyabazinga, lwaki oyenda okukola ekintu ekyo ekinaaleeta ku Isiraeli yoonayoona omusango?”

1 Samueli 17:23

Yali akaayogera ni baganda be, omulwani ole asinga boonaboona Omufilisiti ow'e Gathi, eyayetebwanga Goliathi, yeesowolayo mu igye ly'Abafilisiti, yaidha yaayogera ebibono n'ebirala nga bye yayogera ku mukuzi ogundi. Daudi yaamuwulira ng'ayogera.

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 8:17

Aidha kutwalanga ensolo ndala ku buli nsolo dhaimwe eikumi dhe munaayayanga, era mwidha kubanga bairu be.