1 Samueli 17:53 - Baibuli Ekibono kya Katonda 2014

⁵³ Abaisiraeli bwe baira nga bava okubingirira Abafilisiti, baanhaga ebintu mu kifo Abafilisiti abo ghe baasimba weema dhaibwe.

1 Samueli 17:53 ပူးပေါင်းရင်းမြစ်များ

2 Samueli 23:10

Mwene yaakana yaita Abafilisiti okutuusa omukono gwe bwe gwakoogha, engalo ni dhimwefunhira ku mpiima. Musengwa Katonda yaabagha obughanguzi obw'amaani olunaku olwo. Abaisiraeli baamala baira bwa kutoola ku baitibwa bintu.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 4:20

Akabi oluba okuvaagho kati ng'akandi kairagho; ensi yoonayoona efuuse bifulukwa byereere. Okuja okutemya n'okuzibula nga weema dhaife badhizikiriiza, nga n'ensuubo dhaamu badhikanwirekanwire mu kaseera buseera.

1 Samueli 17:52

Abalwani Abaisiraeli n'Abayudaaya baasituka nga bali kuleekaana, baabingirira Abafilisiti okutuukira irala e Gathi, ni ku miryango gya Ekuroni. Abafilisiti abaafumitibwa, baaja nga bagwa ku ngira okuva e Shaaraimu n'okutuukira irala e Gathi n'e Ekuroni.

1 Samueli 17:54

Daudi yaatoola omutwe ogw'Omufilisiti oyo yaagutwala e Yerusalemu, aye ebivaalo eby'omu lutalo eby'Omufilisiti oyo yaabita mu weema eyiye mwene.

1 Samueli 19:5

Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”