1 Samueli 17:50 - Baibuli Ekibono kya Katonda 2014

⁵⁰ Kale Daudi yaaghangula Omufilisiti ng'akozesa nsuumulo na ibaale. Yaakuba Omufilisiti oyo yaamwita nga takozeisa mpiima naire.

1 Samueli 17:50 ပူးပေါင်းရင်းမြစ်များ

Abalamuzi 15:15

Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).

Abalamuzi 3:31

Omukulembeze eyairaku, yali ng'ayetebwa Shamugari, nga mutabane wa Anathi. Yeena yanunula Isiraeli bwe yaita Abafilisiti olukaaga (600) ng'akozesa oluti olusongovu lwe bakozesa okusindiikiriza ente okutambula.

1 Samueli 13:22

Kale, ku lunaku olw'olutalo tighaali muntu waire omulala ati, ku abo abaali ni Saulo ni Yonathani, eyali n'empiima oba eifumo, okutoolaku Saulo ni mutabane we Yonathani bonka.

1 Samueli 17:39

Daudi yeesiba empiima ku kivaalo ekyo eky'omu lutalo, yaagezaaku okutambula aye nga taghanga, kuba yali tabimanhiriire. Agho yaakoba Saulo ati: “Tisobola kuja ni bino, kuba tibimanhiriire.” Era yaabyetoolamu.

1 Samueli 17:49

Daudi yaagema mu ndyanga ye, yaatoolamu eibaale yaalita mu nsuumulo, yaalikonhoogerera Omufilisiti mu bweni. Eibaale eryo lyaingira mu kighanga ky'Omufilisiti oyo, yaagwa kya bweni.

1 Samueli 17:51

Agho Daudi yaalumuka yaayemerera ku Mufilisiti, yaatoola empiima y'Omufilisiti oyo mu kiruutu kyayo, yaagimwitisa era yaamusalaku omutwe ni yeene eyo. Abafilisiti bwe baabona omulwani waibwe asinga boonaboona ng'afiire, baalumuka.

1 Samueli 19:5

Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”

1 Samueli 21:9

Agho kabona oyo yairamu ati: “Ghaligho ghano empiima ya Goliathi Omufilisiti ye waitira mu kiiko ky'e Ela. Empiima eyo eri einhuma w'ekivaalo eky'obwakabona, nga nzingirire mu lugoye. Oba oyenda okutwala eyo, gitwale, kuba ghaziragho yindi okutoolaku eyo.” Daudi yaamukoba ati: “Mpa eyo, ezirayo yindi eri ng'oti n'eyo.”

1 Samueli 23:21

Saulo yaakoba ati: “Musengwa Katonda abaghe enkabi, olw'okungemerwa ekivunika.