1 Samueli 17:43 - Baibuli Ekibono kya Katonda 2014

⁴³ Omufilisiti yaakoba Daudi ati: “Nze ondhese mbwa, memale ondhidhire n'emiigo obwigo.” Agho yakolimira Daudi mu liina ly'emisambwa gye.

1 Samueli 17:43 ပူးပေါင်းရင်းမြစ်များ

Amainhama 27:29

Abantu aba buli nsambo bakugheerezenga, n'amaghanga kamaala gakukubirenga amakiryaivu! Ofugenga baganda bo, era abaana ba inhoko bakukubirenga amakiryaivu! Kiisi akukolimira akolimirwenga, era kiisi akusabira enkabi, yeena agheebwenga enkabi!”

2 Samueli 16:5

Kyabazinga Daudi bwe yatuuka e Bahurimu, ghaabaagho omusaadha ow'oku lulyo lwa Saulo nga bamweta Shimei mutabane wa Gera. Omusaadha yaidha nga bw'avuma kyabazinga Daudi oyo aghazira kusalaku.

2 Samueli 16:9

Agho Abishai mutabane w'omukazi eyayetebwanga Zeruia, yaakoba kyabazinga Daudi ati: “Lwaki eno embwa obubwa enfu ekuvuma, iwe Isebantu kyabazinga? Ndeka mmujiire, mmutemeku omutwe.”

2 Samueli 3:8

Abuneri yaasungughalira inho Ishiboshethi olw'ebibono ebyo. Yaamukoba ati: “Olowooza oti nze ndi mugheereza wa Yuda? Nga ate n'okutuusa olwaleero luno nkaali mwesigwa eri ab'endhu ya lata wo Saulo, n'eri baganda be, n'eri bakagwa be. Era nga tikughangayooku mu ngalo dha Daudi. Aye ate olwaleero wantaaku omusango ogugemagana n'omukazi!

2 Samueli 9:8

Mefiboshethi yaakutama n'ekyeni kyatuuka ku itaka yaakoba ati: “Katyo nze omugheereza wo, ninze ani iwe y'olowoozaaku, nze ali ng'oti n'embwa obubwa enfu!”

1 Bakyabazinga 20:10

Agho Benihadadi yaamusindikira obukwenda, ng'akoba ati: “Ndidha kuleeta abasaadha bange bazikirize Samaria, bakifuule ng'oti nkungu bukungu, ate era enkungu eyo erobe na kubabuna buli mulala okuyoolaku omuganda. Ekyo bwe ntaakituukirize, emisambwa gimbonerezanga n'obukambwe.”

2 Bakyabazinga 8:13

Hazaeli yaabuuza ati: “Katyo nze omugheereza wo ndi ng'embwa obubwa, ndisobola ntya okukola ekyaga agho?” Elisha yairamu ati: “Musengwa Katonda andholeike ng'oliba kyabazinga wa Siria.”

Ensambo 26:2

Ng'enkazaluya bw'epuuluukira eyo etyo, n'akamiini ni kagulukira eyo katyo, n'ekikolimo eri omuntu aziraku nsonga kityo bwe kiba, tikimugema.

Okubala 22:6

Kale mperaano nkweghembye, oidhe onkolimirire abantu abo, kuba batusinga inho amaani; oba katyo tunaasobola okubaghangula twababingagho. Ndidhi nti omuntu y'osabira enkabi aba wa nkabi, ate y'okolimira yaaba mukolimire.”

Abalamuzi 9:27

baaja mu masamba gaibwe ag'emizabbibu, baanoga emizabbibu baagikunhamu omwenge. Era baakola ekibinuko, baingira mu isabo ly'omusambwa gwaibwe, baalya, baanhwa, era baavumirira Abimeleki.

1 Samueli 14:12

Agho baayeta Yonathani n'ole eyamugemeranga eby'okulwanisa nga bakoba bati: “Mwidhe eno ye tuli ghaligho kye twidha okubooleka.” Yonathani yaakoba eyamugemeranga eby'okulwanisa ati: “Nnonereza, kuba Musengwa Katonda abagabwire mu ngalo dha Isiraeli.”

1 Samueli 24:14

Iwe kyabazinga omulamba owa Isiraeli, naani y'oidhie okulumba? Naani y'oidhie okubingirira? Oli kubingirira embwa enfu, era enkukuni obukukuni?

1 Samueli 24:15

Nsaba Musengwa Katonda asale omusango ghagati ghange n'iwe, anoonereze ensonga, ampolereze era antoole mu ngalo dho.”