1 Samueli 17:28 - Baibuli Ekibono kya Katonda 2014

²⁸ Eliabu muganda wa Daudi eyali abasinga boonaboona obukulu, bwe yawulira nga Daudi ali kwogera n'abantu abo, obusungu bwe bwatumbukira ku Daudi oyo ng'oti muliro. Yaamubuuza ati: “Lwaki oidhie ghano? Era entaama edho odhirekeire ani eyo mu irungu? Ndidhi okwepankapanka kwo kw'oli nakwo. Era olwo oidhie kubona lutalo bwe luli.”

1 Samueli 17:28 ပူးပေါင်းရင်းမြစ်များ

Amainhama 37:11

Baganda ba Yosefu baamugemerwa ensaalwa, aye ise yaasigala nga yeefumintiriza ku ebyo Yosefu bye yayogera.

Amainhama 37:4

Aye baganda ba Yosefu bwe baabona nga iseibwe amwenda okusinga beene bw'abenda, baamukyagha nga tibenda na kwogera naye bya bulungi.

Amainhama 37:8

Baganda be baamubuuza bati: “Olowooza oti iwe olifuuka kyabazinga waife, era waatufuga?” Kale beeyongera okumukyayira irala olw'ebirooto bye, n'olw'ebibono bye.

2 Ebyomubyanda 11:18

Rehoboamu yafumbirwa Mahalathi mughala wa Yerimothi, Yerimothi oyo nga mutabane wa Daudi. Ate inhina wa Mahalathi oyo nga ni Abihaili, mughala wa Eliabu, Eliabu oyo nga mutabane wa Yesse.

Zabbuli 35:11

Abadhulizi abaguya basituka bampaama ebintu bye ntaidhiiku naire.

Ensambo 18:19

Bw'oyamba owoluganda, akukuuma ng'oti n'ekimante ekigumu ekyezungulwire ekibuga, aye bw'osoola naye takuganha kuja y'ali, ku ndhigi ataaku bwa minhololo.

Ensambo 27:4

Waire ng'omuntu aliku ekiruyi n'obusungu aba mukambwe era wa kabi, aye tatuuka ku wa nsaalwa.

Omulangirizi 4:4

Agho naabona ng'ekireetera abantu okukola einho ni bakuguka mu mirimo, kuba kwegomba kufuna ebirungi banaibwe bye baba nabyo. Ekyo kyona muzira muganhulo, era kiri ng'oti kubinga mpewo ogigeme.

Matayo 10:36

Era abazigu b'omuntu banaabanga ba mu ndhu beene.

Matayo 27:18

Kuba yali aidhi nga baamughaayo lwa nsaalwa.

Mariko 3:21

Ababe bwe baawulira, baaja okumugema baali bakoba bati: “Alalwike!”

Yuda 1:10

Aye abantu bano bavuma kiisi kye bataidhi, ate ebyo bye baidhi babiidhi bwa mu butonde okufaananaku ensolo edh'omu nsiko. Era byene ebyo n'ebibazikiriza.

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”

1 Samueli 17:29

Daudi yaakoba ati: “Buti nkoze ki? Kibi okubuuzaaku?”