1 Samueli 17:10 - Baibuli Ekibono kya Katonda 2014

¹⁰ Omufilisiti oyo era yaakoba ati: “Olwaleero ndi kusonsoonia eigye lya Isiraeli. Mumpe omuntu nwane naye.”

1 Samueli 17:10 ပူးပေါင်းရင်းမြစ်များ

2 Samueli 21:21

Oyo bwe yasoononkereza Abaisiraeli, Yonathani mutabane wa Shimei muganda wa Daudi, yaamwita.

2 Samueli 23:9

Owokubiri ku basatu abo ab'amaani nga ni Eleazari mutabane wa Dodo, ate Dodo oyo yaaba mutabane wa Ahohi. Oyo n'eyali ni Daudi ni bakana okulwanisa Abafilisiti abaali beesoloiza okulwana, waire nga Abaisiraeli baaleka olutalo bairayo einhuma.

2 Bakyabazinga 19:4

Kyabazinga w'e Assiria yatuma omukungu we omukologho okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Nehemia 2:19

Aye Saniballati ow'e Bethi Horoni, ni Tobia omugheereza Omuammoni, ni Geshemu Omuwarabu, bwe baawulira kye tutegeka okukola, baatusekerera inho era baatunhooma. Batubuuza bati: “Muli kukola ki ekyo? Muli kudheemera kyabazinga?”

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

1 Samueli 17:11

Agho Saulo n'Abaisiraeli boonaboona bwe baawulira ebibono ebyo eby'Omufilisiti, baawaamu amaani era baatya ebitaloodheka.

1 Samueli 17:36

Nze omugheereza wo, nga bwembairenga nga ndhita empologoma n'ensolo enkambwe, era ntyo bwe ndidha okwita n'Omufilisiti oyo atali mukekete, anhoomye amagye ga Katonda omulamu.”

1 Samueli 17:45

Daudi yaakoba Omufilisiti ati: “Iwe oli kwidha ye ndi n'empiima, n'eifumo einene ghalala n'eifumo eitono, aye nze ndi kwidha mu liina lya Musengwa Katonda Afuga Amagye, era Katonda ow'amagye ga Isiraeli, g'osoononkereiza.