1 Samueli 16:4 - Baibuli Ekibono kya Katonda 2014

⁴ Samueli yaakola nga Musengwa Katonda bwe yamulagira, yaaja e Bethelehemu. Abakulembeze ab'omu kibuga ekyo baidha okumusangaaza nga badhugumira. Baamubuuza bati: “Oidhie na miraala, oba busa?”

1 Samueli 16:4 ပူးပေါင်းရင်းမြစ်များ

Amainhama 35:19

Agho Rakeli yaafa, baamuziika ku mbali okw'engira eja mu Efuratha, ekyo era nga ni Bethelehemu.

Amainhama 48:7

Kino nkikoze olwa inhoko Rakeli: bwe nali nga nva mu Paddani, yafiira ku ngira e Kanaani, nga ghakaasigaireyo entangama okutuuka mu Efurathi. Naamuziika eyo ku mbali kw'engira eja mu Efurathi, ekyo era nga ni Bethelehemu.’ ”

2 Samueli 6:9

Daudi yaatya inho Musengwa Katonda ku lunaku olwo, yaakoba ati: “Nnaasobola ntya okutwala Sanduuku ya Musengwa Katonda eno ey'Endagaano?”

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 2:13

Agho Adoniya mutabane wa Daudi ye yazaala mu Haggithi, yaidha eri Bathisheba inhina wa Solomoni. Bathisheba yaamubuuza ati: “Oidhie bya bulungi?” Adoniya yairamu ati: “Yii, bya bulungi.”

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

Hosea 11:10

Nze Musengwa Katonda ndiwologoma ng'oti mpologoma yeene, abantu bange baayangugha okwidha ye ndi, nga bava e bugwandhuba.

Hosea 6:5

Kyenva ni ntuma abalanzi ye muli, ni babaleetera obukwenda bwange obw'okubazikiriza era obubalumiriza imwe omusango. Kye mbendaku kibonekeragho ng'oti butangaavu.

Luka 2:4

Yosefu yeena yaava mu kyalo Nazarethi eky'e Galilaaya yaaniinaniina okuja mu kyalo kya Daudi mu Buyudaaya, ekyetebwa Bethelehemu kuba yali wa kika kya Daudi, era wa ku nda ye.

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Luka 8:37

Abantu boonaboona ab'omu nsi ey'ab'e Gerasa baamusaba abaviire kuba baali batiire inho. Kale yaaniina mu lyato yairayo.

1 Samueli 21:1

Agho Daudi yaaja, yaatuuka e Nobu ye Ahimeleki kabona. Ahimeleki yaidha okumusangaaza ng'adhugumira, yaamubuuza ati: “Lwaki oli wenka nga ghazira akugherekeireku?”