1 Samueli 16:22 - Baibuli Ekibono kya Katonda 2014

²² Saulo oyo yaatuma ye Yesse ng'amukoba ati: “Ndekera Daudi asigale ng'akampeereza, kuba nsiima by'akola.”

1 Samueli 16:22 ပူးပေါင်းရင်းမြစ်များ

Amainhama 30:27

Labani yaamukoba ati: “Nganha nkukobere nti naja naalagulwa, bankobera bati Musengwa Katonda yampa enkabi olwa iwe.

Amainhama 39:4

Potifari yaasiima Yosefu, yaamufuula mugheereza we, era yaamugha okulabiriranga endhu ye, n'okukuumanga ebibye byonabyona.

Zabbuli 131:1

Wo Musengwa Katonda, nze tyekuluntaza, era tyebona nga ndi wa ghaigulu. Timala biseera byange nga neegomba bintu ebikologho bye ntatuukaaniraku, oba ebiswikiriire okutegeera kwange.

Danieli 1:5

Kyabazinga yaalagira buli lunaku babaghenga ku mere mwene ye yalyangaku, ni ku mwenge ogw'emizabbibu mwene gwe yanhwangaku. Era yaalagira babasomese okumala emyaka esatu, memale babandhuleyo ye kyabazinga bamugheerezenga.

Amateeka Agokubiri 1:38

aye omubeezi wo Yoshua, mutabane wa Nuni n'aligingiramu. Kale gumya Yoshua oyo omwoyo, kuba n'alituusa Abaisiraeli mu nsi eyo ni bagitwala ng'obutaka bwaibwe’.

1 Samueli 16:21

Era Daudi yaaja ewa Saulo, yaatoolera okumugheereza. Saulo yaagonza Daudi, era yaamulonda okumubbeederangaku eby'okulwanisa bye.

1 Samueli 16:23

Era omuzimu omubi Katonda gwe yasindika, buli lwe gwaidhanga ku Saulo, nga Daudi atoola entongooli yaakuba. Olwo Saulo yaawoleera, yaawulira bukalamu era n'omuzimu omubi gwamuvaaku.