1 Samueli 16:14 - Baibuli Ekibono kya Katonda 2014

¹⁴ Agho omwoyo gwa Musengwa Katonda gwava ku Saulo. Era Musengwa Katonda oyo yaasindika omuzimu omubi gwadaazadaaza Saulo ebitaloodheka.

1 Samueli 16:14 ပူးပေါင်းရင်းမြစ်များ

2 Samueli 7:15

Aye tija kukomya kumugonzanga, nga bwe nakomya okugonza Saulo, ye natoolagho memale iwe oiregho.

1 Bakyabazinga 22:19

Mikaia yeeyongera okukoba ati: “Kale ni wulira Musengwa Katonda by'akoba: Mboine Musengwa Katonda oyo ng'atyaime ku kityamo kye eky'obwakyabazinga, ng'eigye lyonalyona ery'omu igulu lyemereire ku luuyi lwe olw'omukono omusaadha ni ku lw'omugooda.

1 Bakyabazinga 22:22

“Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

Zabbuli 51:11

Otansuula ere kuva gh'oli, era otantoolaku mwoyo gwo omutukuvu.

Hosea 9:12

Aye ni bwe balizaala abaana, era ndibabatoolaku boonaboona ghaaloba kusigalagho waire omulala ati omulamu. Lwe ndibavaamu ni mbalekulira agho, baliba bakagwireku!”

Abalamuzi 16:20

Era yaamukoba ati: “Samusoni, Abafilisiti bakugwireku!” Samusoni yaasitukagho mu ndoolo, yaakoba mule ati: “Ndidha kubeenhunhunkuzaaku nje, nga bwe mbairenga nkola ku mikuzi gire egindi.” Yali taidhi nga Musengwa Katonda amulekuliire agho.

Abalamuzi 16:29

Samusoni yaagema empango dhombi edha ghagati, edhaali dhigemereire endhu eyo, yaadhimaliraku amaani ge goonagoona, omukono gwe omusaadha yaaguta ku yindi, n'omugooda ku yindi.

Abalamuzi 9:23

Agho Katonda yaakyaghagania Abimeleki n'abantu b'omu Shekemu. Abantu ab'omu Shekemu baaghemukira Abimeleki nga tibakaali beesigwa y'ali.

1 Samueli 11:6

Saulo bwe yawulira ebibono ebyo, omwoyo gwa Katonda gwamwidhaku n'amaani, obusungu bwe bwatumbuka ng'oti muliro.

1 Samueli 16:15

Abagheereza ba Saulo baamukoba bati: “Bona eno, omuzimu omubi Musengwa Katonda gwe yasindika n'oguli kukudaazadaaza ebitaloodheka.

1 Samueli 16:16

Mpegaano ni, musengwa waife, tulagire ife abagheereza bo abali ghano, twagale omuntu aidhi einho okukuba endingidi. Omuzimu omubi oguva ye Katonda bwe gunaakwidhangaku, anaakubanga endingidi eyo, waaba bukalamu.”

1 Samueli 16:23

Era omuzimu omubi Katonda gwe yasindika, buli lwe gwaidhanga ku Saulo, nga Daudi atoola entongooli yaakuba. Olwo Saulo yaawoleera, yaawulira bukalamu era n'omuzimu omubi gwamuvaaku.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.

1 Samueli 18:12

Saulo yaatya Daudi, kuba Musengwa Katonda yali ng'ali ni Daudi oyo, aye ng'aviire ku Saulo.

1 Samueli 28:15

Samueli yaabuuza Saulo ati: “Lwaki ontabwiretabwire n'ontoola e magombe?” Saulo yaamwiramu ati: “Ndi mu buzibu obutaloodheka! Abafilisiti bantanwireku olutalo, ate Katonda andekuliire agho, yaaloba okundhiramu, ni bwe kuba okubita mu balanzi oba mu birooto. Kyenviire ni nkweta onkobere kye mbe nkole.”