1 Samueli 16:13 - Baibuli Ekibono kya Katonda 2014

¹³ Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.

1 Samueli 16:13 ပူးပေါင်းရင်းမြစ်များ

2 Samueli 12:7

Agho Nathani yaakoba Daudi ati: “Niiwe omuntu oyo. Era Musengwa Katonda wa Isiraeli akoba ati, ‘Nakusiiga omuzigo obe kyabazinga wa Isiraeli, naakuwonia omuzigu wo Saulo.

2 Samueli 2:4

Agho abantu ab'omu kika kya Yuda baidha e Heburoni, baasiiga Daudi omuzigo okumufuula kyabazinga wa Buyudaaya. Daudi bwe baamukobera bati: “Abantu ab'e Yebeshi eky'omu Gileadi n'abaaziika Saulo,”

2 Samueli 23:1

Bino n'ebibono bya Daudi ebyasembayo: Kuno n'okwogera kwa Daudi mutabane wa Yesse, okwogera okw'omuntu Katonda ye yagulumiza, omuntu Katonda wa Yakobo oyo ye yasiiga omuzigo, omwembi wa zabbuli mu Isiraeli ataloodheka.

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

2 Bakyabazinga 9:6

Yehu yaasituka, bombi baingira mu ndhu. Omwisuka omulanzi yaafuka omuzigo ogw'ebibala eby'emiti emyoliva ku mutwe gwa Yehu, ng'amukoba ati: “Musengwa Katonda, Katonda wa Isiraeli akoba ati, ‘Nkusiize omuzigo guno obe kyabazinga w'abantu bange Abaisiraeli.

1 Ebyomubyanda 11:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli, nga Musengwa Katonda bwe yakoba ng'abita mu Samueli.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Zabbuli 89:21

Ndidha kumughanga amaani gange buliidho; obuyinza bwange bwidha kumufuulanga ow'amaani.

Okubala 11:17

Ndidha kwika ndhogere n'iwe agho, era ntoole ku mwoyo oguli ku iwe boona ngubateeku. Olwo babe nga bakubeeraku okwetwika obuvunaanizibwa obw'abantu abo, bulobe kubanga ku iwe wenka.

Okubala 27:18

Agho Musengwa Katonda yaakoba Musa ati: “Twala Yoshua mutabane wa Nuni, omusaadha aliku omwoyo, ote emikono gyo ku mutwe gwe.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

Abaheburayi 1:9

Ogonza obutuufu waakyagha obudheemu Katonda wo kyeyava akulonda era n'akugha okusangaalira mu kitiisa okusinga baino boonaboona.”

Abaheburayi 11:32

Nkobe ki era ndeke ki? Ekiseera kiidha kumpwaku bwe nnaayogera ku Gideoni, Baraki, Samusoni, Yefutha, Daudi, Samueli, ni ku balanzi.

Abalamuzi 11:29

Agho omwoyo gwa Musengwa Katonda gwaidha ku Yefutha, yaabita mu Gileadi ni mu Manasse, yaira mu Mizipa eky'omu Gileadi, yaaja y'Abammoni.

Abalamuzi 13:25

Omwoyo gwa Musengwa Katonda gwatoolera okumugha amaani ng'ali ghagati gh'e Zora n'e Eshitaolo mu Mahanehedani.

Abalamuzi 14:6

Agho omwoyo gwa Musengwa Katonda gwamugha amaani, yaagiyuzaamu ghabiri ng'azira ky'akozeisa mu ngalo dhe, ng'oti n'omuntu bw'ayuzaamu embuzi ento. Aye yaaloba kukobera bazaire be ky'akoze.

Abalamuzi 3:10

Omwoyo gwa Musengwa Katonda gwaidha ku Othinieli, yaakulembera Abaisiraeli. Yaaja okulwana olutalo ni kyabazinga Kushani Rishathaimu ow'e Mesopotamia, era Musengwa Katonda yaaleetera Othinieli oyo okughangula.

1 Samueli 1:19

Bwe bwakya enkyo Elukana n'ab'omu ndhu ye baasinza Musengwa Katonda. Bwe baamala bairayo mu maka gaibwe e Rama. Agho Elukana yaaba ni mukazi we Hanna mu buliri, era Musengwa Katonda yaidhukira Hanna oyo.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 10:6

Agho omwoyo gwa Musengwa Katonda gwidha kukwidhaku n'amaani mangi, ofuuke muntu wundi era olange ghalala nabo.

1 Samueli 11:6

Saulo bwe yawulira ebibono ebyo, omwoyo gwa Katonda gwamwidhaku n'amaani, obusungu bwe bwatumbuka ng'oti muliro.

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”

1 Samueli 18:12

Saulo yaatya Daudi, kuba Musengwa Katonda yali ng'ali ni Daudi oyo, aye ng'aviire ku Saulo.

1 Samueli 2:35

Ndidha kweronderayo kabona omwesigwa anaakolanga bye nhenda era ebinsangaaza. Nja kumugha eizaire era nditeegho ligheerezenga lubeerera oyo ye nasiiga omuzigo.