1 Samueli 16:12 - Baibuli Ekibono kya Katonda 2014

¹² Era yaatuma omuntu yaamuleeta. Yali anhirira, ng'ali n'amaiso amalungi era ng'aboneka bulungi. Agho Musengwa Katonda yaakoba Saulo ati: “Situka omusiige omuzigo, kuba n'oyo.”

1 Samueli 16:12 ပူးပေါင်းရင်းမြစ်များ

Amainhama 39:6

Kale Potifari yaalekera Yosefu ebibye byonabyona okubirabiriranga, nga takeeraliikirira kintu kyonakyona okutoolaku emere ye yalyanga. Ekikula kya Yosefu kyali nga kisanhusa okubona.

2 Samueli 23:1

Bino n'ebibono bya Daudi ebyasembayo: Kuno n'okwogera kwa Daudi mutabane wa Yesse, okwogera okw'omuntu Katonda ye yagulumiza, omuntu Katonda wa Yakobo oyo ye yasiiga omuzigo, omwembi wa zabbuli mu Isiraeli ataloodheka.

2 Samueli 7:8

“Kale ni oidha kukoba omugheereza wange Daudi oti nze Musengwa Katonda Afuga Amagye nkoba nti, ‘Nakutoola ku gw'okwayanga entaama mu byayiro, naakufuula omukulembeze ow'abantu bange Abaisiraeli.

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 78:70

Yalonda omugheereza we Daudi, yaamutoola mu byayiro eby'entaama,

Okuvaayo 2:2

Omukazi oyo yaatoola enda yaazaala omwana mulenzi. Bwe yabona nga omwana oyo mulungi inho mu mboneka, yaamugisa okumala emyezi esatu.

Olwembo 5:10

Omugonzi wange anhirira era aboneka bulungi; mu bantu omutwalo omulamba (10,000), yenka n'abonekamu.

Okulira 4:7

Abakungu ab'omu Yerusalemu baali nga batukula okusinga amabaale ag'omugozi era nga beeru okusinga amata; emibiri gyaibwe nga gya maani era nga ginherengeta okusinga eibaale ery'omughendo eryetebwa korali, era nga baboneka bulungi inho ng'oti n'eibaale ery'omughendo eryetebwa saffiro.

Zekaria 4:14

Agho yankobera ati: “Abo n'abantu ababiri Musengwa Katonda ow'ensi yoonayoona be yalonda, era yaabasiiga omuzigo bamugheerezenga.”

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

Ebikolwa by'Abatume 7:20

Mu kiseera kino Musa yaazaalibwa, era yaaba mulungi ewa Katonda. Yaakulira mu ndhu ya ise okumala emyezi esatu.

Abaheburayi 11:23

Okwikiriza n'okwaleetera abazaire ba Musa okumugisa okumala emyezi esatu ng'amaze okuzaalibwa kuba baamubona nga mwana aboneka bulungi, baaloba kutya kudheemera kiragiro kya kyabazinga.

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”

1 Samueli 17:42

Omufilisiti bwe yalinga ati n'abona Daudi, yaamunhoomerera, kuba yali mwisuka bwisuka, ng'anhirira era ng'aboneka bulungi.

1 Samueli 17:55

Saulo bwe yabona Daudi ng'ali kuja okulwanisa Omufilisiti, yaabuuza Abuneri omuduumizi w'eigye ati: “Abuneri, omwisuka oyo mutabane w'ani?” Abuneri yaamwiramu ati: “Isebantu kyabazinga, ndayira mu maiso go nti tiidhi naire.”

1 Samueli 9:17

Samueli bwe yabona Saulo, Musengwa Katonda yaamukoba ati: “Oyo n'omusaadha ye nakukobeireku. Oyo n'aidha okufuga abantu bange.”