1 Samueli 15:32 - Baibuli Ekibono kya Katonda 2014

³² Agho Samueli yaakoba ati: “Mundeetere ghano Agagi kyabazinga w'Abamaleki.” Agagi yaidha ng'aliku akamwenhumwenhu ng'akoba mule ati: “Bwenebwene obulumi obw'okufa mbuwonie.”

1 Samueli 15:32 ပူးပေါင်းရင်းမြစ်များ

Yeremia 48:44

Buli aligezaaku okulumuka okwewonia entiisa, aligwa mu biina. Ate oyo aliniina n'ava mu biina, aligwa ku mutego, olw'okuba nze Musengwa Katonda namala okutaagho ekiseera eky'okuzikirizaamu Moabu.

Hosea 6:5

Kyenva ni ntuma abalanzi ye muli, ni babaleetera obukwenda bwange obw'okubazikiriza era obubalumiriza imwe omusango. Kye mbendaku kibonekeragho ng'oti butangaavu.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Yoshua 10:22

Agho Yoshua yaalagira ati: “Musembule omunwa ogw'empuku mundeetere bakyabazinga abo abataanu.”

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

Abalamuzi 8:11

Gideoni yaagema engira ey'e buvandhuba bw'e Noba n'e Yogubeha, yaalumba eigye eryo nga tirimwetegekeire.

1 Samueli 15:31

Kale Samueli yairayo ni Saulo, era Saulo yaasinza Musengwa Katonda.

1 Samueli 15:33

Samueli yaamukoba ati: “Ng'empiima yo bwe yalekanga abakazi nga baziraku baana, ni inhoko yeena atyo bw'aja okusigala ng'aziraku mwana mu bakazi baine.” Era agho Samueli yaatematema Agagi bukutukutu, agho mu maiso ga Musengwa Katonda e Giligali.