1 Samueli 15:29 - Baibuli Ekibono kya Katonda 2014

²⁹ Ate ekindi, oyo Ekitiisa kya Isiraeli talimba oba okweidhusa, kuba ti muntu amala ni yeidhusa.”

1 Samueli 15:29 ပူးပေါင်းရင်းမြစ်များ

1 Ebyomubyanda 29:11

Wo Musengwa Katonda, niiwe omukologho, ow'obuyinza, ow'ekitiisa, omughanguzi era omufuzi kuba byonabyona ebiri mu igulu n'ebiri mu nsi, bibyo iwe Musengwa Katonda. Niiwe kyabazinga ali ghaigulu gh'ebintu byonabyona.

Zabbuli 29:11

Musengwa Katonda aghenga abantu be amaani, era aghenga abantu be enkabi babe miraala.

Zabbuli 68:35

Katonda ng'ali mu kifo kye ekitukuvu atiisa, Katonda oyo owa Isiraeli agha abantu be amaani n'obukumu. Katonda oyo asaakibwe!

Zabbuli 95:11

Kyenava ni ndayira mu busungu nti, ‘Tija kubaganha kutuuka ghe nali nja okubagheera okuwuumula.’ ”

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Ezekieli 24:14

Nze Musengwa Katonda mwene, ninze nkobye. Era ekyo ndikikola naakituukiriza. Tiriira inhuma, tirisaasira era tiryeidhusa naire. Ndikusalira omusango nga njiira ku mpisa dho ni ku bikolwa byo.” Musengwa Katonda atyo bw'akoba.

Yoeli 3:16

Musengwa Katonda awologoma ku lusozi Sioni era yaakaabuka mu Yerusalemu, eigulu n'ensi byatengeeta. Aye Musengwa Katonda oyo n'ekifo abantu be Abaisiraeli mwe balumukira okwewonia, era n'ekifo mwe beewogoma.

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

2 Ab'e Korintho 12:9

Aye yandhiramu ati: “Ekisa kyange kikumala, kuba amaani gange gabonekera mu bunafu bwo.” Kale kinsangaaza inho okwesaaka olw'obunafu bwange, amaani ga Kurisito gabe mu nze.

Amateeka Agokubiri 33:27

Katonda ow'ebyanda n'ebyanda, n'omukuumi waimwe. Emikono gye egy'olubeerera n'egibagemerera. Aidha kubinganga abazigu baimwe mu nsi, nga muli kumpi okutuukayo. Olwo aidha kubakobanga ati, ‘Mubasaaniegho boonaboona.’

Ab'e Filippi 4:13

Nsobola okugumira byonabyona olw'amaani Kurisito g'ampa.

2 Timotheo 2:13

Bwe tutaba beesigwa, mwene asigala nga mwesigwa; kuba tasobola kwegaana kye yakoba.”

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Abaheburayi 6:18

Agho ni, Katonda bye yasuubiza n'ekirayiro kye, n'ebyo ebintu ebibiri ebitasobola kukyuka, era Katonda by'ataghanga kutuguyaamu. Kale ni, ife abaalumuka nga tunoonia obulumukiro, kitwizaamu inho amaani okunhweza eisuubi eryatugheebwa.

Abaheburayi 7:21

Aye Yesu yafuuka kabona nga ghaligho ekirayiro Katonda bwe yamukoba ati: “Musengwa yalayira era talyeidhusa, ‘Oli kabona ebyanda n'ebyanda.’ ”