1 Samueli 15:26 - Baibuli Ekibono kya Katonda 2014

²⁶ Samueli yaamwiramu ati: “Tiidha kwirayo n'iwe, kuba waloba okukola Musengwa Katonda kye yakulagira, era Musengwa Katonda yeena alobye okukuleka ku bwakyabazinga bwa Isiraeli.”

1 Samueli 15:26 ပူးပေါင်းရင်းမြစ်များ

Amainhama 42:38

Aye Yakobo yaakoba ati: “Omwana wange taidha kuja n'imwe, kuba muganda we yafa, era mpegaano ni yenka asigairegho. Akabi bwe kalimutuukaku mu lugendo lwe muja okutambula, olwo muliba mundeeteire obughafu obulindhita nze omukaire.”

2 Samueli 12:9

Lwaki wanhooma ebiragiro bya Musengwa Katonda, n'okola ebibi y'ali? Waita Uria Omuhitti nga weeyambisa Abammoni, waatoola mukazi we waamufuula wuwo.

2 Samueli 7:15

Aye tija kukomya kumugonzanga, nga bwe nakomya okugonza Saulo, ye natoolagho memale iwe oiregho.

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Hosea 13:11

Nabagha bakyabazinga nga ndiku obusungu, era naamala naababatoolaku nga ndiku ekiruyi.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

2 Yoanne 1:11

Kuba oyo amulamusa aba aisania naye mu bibye by'akola.

1 Samueli 13:14

Aye mpegaano obwakyabazinga bwo tibuubenga bwa nsikirano. Musengwa Katonda anooniizaayo omuntu mwene y'asiimye, yaamutaagho okukulemberanga abantu be, kuba iwe togemye kye yakulagira.”

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”

1 Samueli 15:31

Kale Samueli yairayo ni Saulo, era Saulo yaasinza Musengwa Katonda.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.

1 Samueli 28:18

kuba wadheemera ekiragiro kye, waaloba kuzikiriza Bamaleki nga bwe yayenda. Musengwa Katonda ekyo ky'aviireku okukubisa atyo olwaleero.