1 Samueli 15:22 - Baibuli Ekibono kya Katonda 2014

²² Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.

1 Samueli 15:22 ပူးပေါင်းရင်းမြစ်များ

Amainhama 4:4

Abeli yeena yaaleeta ku ntaama dhe edhaazaalibwa mu nzaalo edhisooka, yaadhiita, yaghaayo amasavu gaadho. Musengwa Katonda yaasiima Abeli n'ekigheebwayo kye.

Okuvaayo 19:5

Kale ni, bwe munaagonderanga bye mbakoba, ni mukuuma endagaano yange, mwidha kubanga bantu bange ab'endhawulo ku bantu bange abandi boonaboona. Ensi yoonayoona yange, aye imwe munaabanga bantu bange abalondemu.

Ensambo 21:3

Okukola ebituufu n'okukolera ku mazima, bisiimya Musengwa Katonda okuwula okumugha emisengo.

Omulangirizi 5:1

Weegenderezenga inho ng'oli kuja mu isinzizo. Okujaayo n'owulirisa oyege, kisingaku okumala gaghaayo misengo ng'abasiru bwe bakola; kuba tibaidhi nga bali kukola kibi.

Yeremia 11:4

Endagaano eno nagikola ni badhaadha baibwe, bwe nabatoola mu nsi Misiri, ye baabanga ng'oti n'abali mu muliro ogw'amaani ogusaanuusa ekyuma ekigumu einho. Naabakoba okungonderanga n'okukolanga kiisi kye nalagira olwo babenga bantu bange, nze mbenga Katonda waibwe.

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Yeremia 26:13

Kale ni mulongoose empisa dhaimwe n'ebikolwa byaimwe, era mugonderenga Musengwa Katonda waimwe. Olwo Musengwa Katonda oyo aidha kukyusa ekirowoozo kye, alobe kubakolaku kabi nga bw'abaire ategeike okukola.

Hosea 6:6

Mbendaku okungonzanga obutalekera, aye ti misengo; n'okuumanhanga nze Katonda waimwe, okusinga okumpa ebigheebwayo ebyokebwa.

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Matayo 12:7

Ate nguli mubaire mwidhi ekyaghandiikibwa kino bwe kikoba, ‘Nhenda kisa aye ti misengo’, mwandibaire nga timusalira banaimwe musango abazira kye basobiiza

Matayo 23:23

“Mukagwireku Abanamateeka n'Abafarisaayo, abakuusa imwe, kuba mughaayo ekitundu kirala kirala ku buli bitundu ikumi eky'obuwoowo obuwoomesa eiva, nga buno: eduosimo, anetho, ni kumino. Aye mwaleka ebisinga obukulu ebiri mu Mateeka, bino: Okukolera banaimwe ebibagwaniire, ekisa, n'okwikiriza. Ebyo mugwaine okubikola ate ni bire obutabireka.

Matayo 5:24

leka agho ekirabo kyo mu maiso ga alutaari, oje otabagane ni muganda wo, memale oidhe ogheeyo ekirabo kyo.

Matayo 9:13

Kale muje mwege amakulu ga kino, ‘Ekisa kye nhenda aye ti misengo.’ Tinaidha kweta batuufu, aye aboonooni.”

Mariko 12:33

era nti okumugonza n'omwoyo gwonagwona, n'okutegeera kwonakwona, n'amaani goonagoona, era n'okugonza mwino nga iwe bwe weegonza, kisinga ebigheebwayo byonabyona ebyokebwa ni biweekereragho, n'emisengo gyonagyona egigheebwayo ye Katonda.”

1 Samueli 13:12

Kale naakoba nti Abafilisiti baidha kwidha baanumbe ghano e Giligali, ate nga nkaali kweghemba Musengwa Katonda kungemerwa kivunika. Kye naviire ni neeghaliriza okughaayo ekigheebwayo ekyokebwa.”

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.