1 Samueli 15:19 - Baibuli Ekibono kya Katonda 2014

¹⁹ Kale, lwaki tiwagondera kiragiro kya Musengwa Katonda? Lwaki wagwidhubanira ku kutwala omunhago, n'okola ekibi ekisungughaza Musengwa Katonda?”

1 Samueli 15:19 ပူးပေါင်းရင်းမြစ်များ

2 Samueli 12:9

Lwaki wanhooma ebiragiro bya Musengwa Katonda, n'okola ebibi y'ali? Waita Uria Omuhitti nga weeyambisa Abammoni, waatoola mukazi we waamufuula wuwo.

2 Ebyomubyanda 33:2

Yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Ebyomubyanda 36:12

Yaakolanga ebibi ebitaasiimya Musengwa Katonda we. Yaaloba n'okugondera Yeremia omulanzi, ng'aidhie okumukobera Musengwa Katonda oyo bye yamutuma.

Ensambo 15:27

Omuntu alulunkanira okufuna amagoba mu kukupankupania aleetera ab'omu maka ge ebizibu, aye ole akyagha enguzi aghangaala.

Yeremia 7:11

Obwo mulowooza muti eisinzizo lino eryange lyene lifuuse mpuku ya banhazi? Bona eno, nze mwene mboine bye muli kukola.

Okubala 14:41

Aye Musa yaabakoba ati: “Lwaki mpegaano muli kudheemera ekiragiro kya Musengwa Katonda? Ti mwidha kughangula.

2 Timotheo 4:10

kuba Dema olw'okugonza einho eby'oku nsi kuno yandekulira agho, yaaja e Thessalonika. Kuresike yaja Galatia ate Tito yaaja e Dalumatia.

1 Samueli 14:32

Baagwidhubanira ku munhago, baatoola entaama n'ente baadhiitira agho, baalya emamba ng'erimu n'omusaayi.

1 Samueli 15:20

Saulo yairamu ati: “Nagondera ekiragiro kya Musengwa Katonda, naaja naakola omulimo gwe yantuma. Naaleeta Agagi kyabazinga w'Abamaleki, era naazikiriza Abamaleki boonaboona.