1 Samueli 15:17 - Baibuli Ekibono kya Katonda 2014

¹⁷ Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.

1 Samueli 15:17 ပူးပေါင်းရင်းမြစ်များ

Hosea 13:1

Mu biseera ebyabita, ab'ekika kya Efuraimu bwe baayogeranga, ng'ab'ebika ebindi mu Isiraeli badhugumira. Abaefuraimu abo baateebwangamu ekinhagansi. Aye nga bwe beereetera omusango olw'okusinza omusambwa Baali, bali n'okufa.

Matayo 18:4

Kale buli eyeisa n'afaanana ng'omwana omuto, oyo n'asinga obubbede mu Bwakyabazinga obw'omu igulu.

Abalamuzi 6:15

Gideoni yaamukoba ati: “Wo Musengwa Katonda, nkweghembye ka mbuzeeku: Isiraeli nnaamununula ntya? Ekika kyange n'ekisingayo obunafu mu lulyo lwa Manasse, ate nze, ninze nsembayo obuto mu ndhu ya lata.”

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 10:22

Beeyongera okwebuuza ku Musengwa Katonda bati: “Omusaadha oyo ali ghano, oba ekaaliyo owundi?” Musengwa Katonda yairamu ati: “Wuule yeegisiisa mu bintu.”

1 Samueli 15:16

Samueli yaakoba Saulo ati: “Sooka oleke, nkukobere Musengwa Katonda bye yankobye obwire.” Saulo yairamu ati: “Kale nkobera.”

1 Samueli 9:21

Saulo yairamu ati: “Nze ndi wa mu kika kya Benjamini, ekika ekisemberayo irala mu Isiraeli. Era endhu yaife n'esemberayo irala okumanhika mu kika kya Benjamini. Kale kiki ky'oviireku okunkoba otyo?”