1 Samueli 15:11 - Baibuli Ekibono kya Katonda 2014

¹¹ “Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.

1 Samueli 15:11 ပူးပေါင်းရင်းမြစ်များ

Amainhama 6:6

Agho yeidhusa ekyamutonza omuntu ku nsi, era enaku yaamuluma ku mwoyo.

Amainhama 6:7

Yaakoba ati: “Ndidha kusaaniagho omuntu ye natonda ave ku nsi, era nsaaniegho n'ensolo, n'ebyeghaluliza ku itaka, n'enhonhi, kuba neidhwisa ekyabintonza.”

2 Samueli 24:16

Malaika bwe yagolola omukono gwe okuzikiriza Yerusalemu, Musengwa Katonda yaakyusa ekirowoozo kye eky'okukola Abaisiraeli akabi. Kale Musengwa Katonda yaamukoba ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Arauna Omuyebusi.

1 Bakyabazinga 11:9

Musengwa Katonda yaasungughalira Solomoni, kuba yakyuka yaava ku Musengwa Katonda, Katonda wa Isiraeli, eyamubonekera emikuzi ebiri,

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

1 Ebyomubyanda 21:15

Agho Katonda oyo yaatuma malaika e Yerusalemu okukizikiriza. Aye Malaika oyo bwe yagolola omukono gwe okukizikiriza, Musengwa Katonda oyo yaakyusa ekirowoozo kye eky'okukola akabi. Kale yaakoba oyo azikiriza ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Orunani Omuyebusi.

Yobu 34:27

kuba baamuvaaku, baamudheemera, baalekera okufaayo ku biragiro bye.

Zabbuli 109:4

Bandhogeraku bibi byereere, waire nga nze mbagonza era naabasabira.

Zabbuli 110:4

Musengwa Katonda yalayira era talyeidhusa: “Iwe oli Kabona ebyanda n'ebyanda ng'oti ni Melekizedeki bwe yali.”

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Zabbuli 78:41

Baamulebanga emikuzi kamaala, baamusonsoonia Oyo Omutukuvu wa Isiraeli.

Zabbuli 78:57

baamughemukira ng'oti ni badhaadha baibwe bwe baalekera okuba abeesigwa nga tibeesigika ng'oti n'akalaso akeghetamu.

Okuvaayo 32:11

Musa yeeghemba Musengwa Katonda we ati: “Wo Musengwa Katonda, lwaki obusungu bwo bwakira ku bantu bo obwaga agho ng'oti muliro? Mbo abantu bo be watoola mu Misiri n'amaani go agataloodheka era n'obukumu, waabasungughalira otyo?

Okuvaayo 32:14

Kale Musengwa Katonda yaakyusa ekidhuubo kye, yaaleka kubazikiriza nga bweyali abeesoomeire.

Yeremia 11:10

Baizeeyo mu kukola ebibi badhaadha baibwe bye baakolanga, ni baloba okugonderanga bye nabalagira. Era buti abantu b'omu Isiraeli n'ab'omu Buyudaaya basinza bakatonda abandi, baamenha endagaano ye nakola ni badhaadha baibwe.

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 34:16

Aye kabiri mwakyusa ekirowoozo mwayonoona eriina lyange. Mwaiza abairu abo be mwali mulekwire okuja nga ba idembe nga bwe benda, mwairamu okubakozesa obwiru kabiri.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:18

Abantu baakoba bati: “Mubakobe bangughe batuliriseeku, amaziga gamagale okutuva mu maiso, n'ebigoghe byaife bibole bubole.”

Ezekieli 18:24

“Aye omuntu omutuufu bw'akyuka n'alekera okukola ebituufu, naakola ebibi, era n'akola ebyenhinhalwa byonabyona abantu ababi bye bakola, mulowooza muti aliba mulamu? Busa naire! Ghazira naire ekirala ku bikolwa bye eby'obutuufu bye yakola, kiriidhukirwa. Era alifa olw'obutaba mwesigwa, n'olw'ebibi by'akola.

Amosi 7:3

Musengwa Katonda yaakyusa ekidhuubo kye. Yaakoba ati: “Kale, ky'oboine tikiidha kubaagho.”

Yona 3:10

Katonda bwe yabona bino bye baakola, ni balekayo ebikolwa byaibwe ebibi, yaakyusa ekidhuubo kye, yaaloba kubazikiriza nga bwe yali akobye.

Yona 4:2

Agho yaakoba ati: “Wo Musengwa Katonda, bino ti bye nakoba nga nkaali mu nsi yange? Nze namanha ng'oli wa kivunika era asaasira einho. Ogonza inho abantu obutalekera era obaguminkiriza buliidho oli mwetegefu okukyusa ebidhuubo byo waaloba kubabonereza. Era kyova obona nali numukiire e Tarushishi.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

Matayo 24:13

Aye oyo alyekalangula okutuusa ku nkomerero, alirokoka.

Matayo 5:44

Aye nze mbakoba nti: Mugonzanga abazigu baimwe, era musabiranga abo ababakiriga.

Luka 6:12

Olwatuuka mu nnaku edho, Yesu yaaja ku lusozi okusaba, era yaakyesa obwire ng'asaba Katonda.

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

Yoshua 22:16

Agho boonaboona baabakoba bati: “Tuli kwogera mu liina ly'abantu ba Musengwa Katonda boonaboona tuti, lwaki mukoze ekintu kino ekibi Katonda wa Isiraeli ky'atenda? Okuzimba alutaari eno kitegeeza muli kudheemera Musengwa Katonda, mwalekera agho okukola by'ayenda.

1 Samueli 12:23

Era ku lwange, neeghemba Musengwa Katonda ansaasire ndobe kukola kibi ni mmusungughaza, nga ndekayo okubasabira imwe. Era ndidha kubeegeresanga ekirungi era ekituufu kye mugwaine okukola.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 15:10

Agho Musengwa Katonda yaakoba Samueli ati:

1 Samueli 15:3

Mpegaano ja oite Abamaleki, era ozikirize ni bye bali nabyo byonabyona. Ghatabaagho y'osaasira, aye baite boonaboona: abasaadha n'abakazi, abaana abato n'abayonka, era oite n'ente, n'entaama, n'engamiya, n'endogoyi.’ ”

1 Samueli 15:35

Era Samueli tiyairayo kubona ku Saulo okutuusa bwe yafa. Aye yasigala ng'ali mu nnaku olwa Saulo oyo. Era Musengwa Katonda yeidhusa olw'okufuula Saulo okuba kyabazinga wa Isiraeli.

1 Samueli 15:9

Aye Saulo n'abalwani be baasaasira Agagi baaloba kumwita. Era baalekagho entaama n'ente empiite ensavu, n'entaama entototo, n'ebintu ebindi eby'omugaso, baaloba kubizikiriza. Ebintu ebindi bye bataabonamu kalungi oba omugaso baabizikiriza.

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”

1 Samueli 8:6

Aye eky'okukoba bati: “Tughe kyabazinga atukulemberenga,” kyanakughaza Samueli. Kale Samueli oyo yaasaba Musengwa Katonda.