1 Samueli 15:1 - Baibuli Ekibono kya Katonda 2014

¹ Agho Samueli yaakoba Saulo ati: “Musengwa Katonda yantuma okwidha y'oli okukusiiga omuzigo, obe kyabazinga ow'abantu be Abaisiraeli. Buti ni wulira by'akoba.

1 Samueli 15:1 ပူးပေါင်းရင်းမြစ်များ

2 Bakyabazinga 7:1

Elisha yaakoba ati: “Muwulire Musengwa Katonda ky'akoba. Musengwa Katonda akoba ati, ‘Olwaidho mu kiseera ng'oti ni kino, ku mulyango ogwingira mu kibuga Samaria, kilo eisatu edh'obuwunga obuseereibwa obukalamu dhiidha kuba nga dhigula ekitundu kirala ekya feeza, ni kilo omukaaga edha sayiri dhoona dhiidha kuba nga dhigula ekitundu kirala kyonka ekya feeza.’ ”

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 12:14

Ebintu byonabyona biidha kubajiiranga bukalamu, bwe munaisanga mu Musengwa Katonda ekitiisa, ni mumugheereza nga mumuwulira era nga mugema ebiragiro bye, era ni mujiiranga ku Musengwa Katonda waimwe oyo nga muli ghalala ni kyabazinga waimwe abafuga.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 9:15

Ng'ekaabulayo olunaku lulala memale Saulo aidhe, Musengwa Katonda yali ayoleike Samueli ekyama ng'akoba ati:

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”